嘉龍星級飯堂

2012年7月2日下午2:52公開累積瀏覽 667 3

July 1, 2012 Sunday Afternoon

唔知係唔係昨晚食咗的西瓜, 對我嚟講實在太寒涼, 成晚一瞓落床就係咁咳, 攪到成晚都無咩點瞓, 加埋加埋都唔知有無瞓咗兩三個鍾...好辛苦呀!

下午唔煮啦, 問型爸去邊道食....結果我地去咗....


咁大條恐龍骨, 唔通係Jurassic Park?


呢邊就係入口....叫嘉龍

呢道叫嘉龍星級飯堂


睇吓的價錢...普通茶餐廳....抵食喎...

入面的裝修好新淨, 但係好多人, 費事影相.  估唔到星期日假期, 有咁多人嚟食.  我地坐喺一張檯, 仲可以睇電視

落單...

每人一碗青紅蘿蔔例湯, 可惜齣咗的.

呢個銀魚蒸肉餅, 好正, 我地見到人叫我地又叫....整得好好喎, 的肉唔實, 碟頭好大添hk$35....仲包一杯野飲

 

雪菜肉絲炒烏冬, hk$35.   味道一般.   包一杯熱飲, 好立克.


大公子要嘅銀魚肉餅飯配凍檸蜜

墨丸湯河, hk$23 包熱飲, 凍飲加hk$2

四寶丸湯河hk$26, 包熱飲。

呢餐一家人都係食百幾蚊，都抵食呀。埋單時見出面貼咗好多明星相。

原來呢道以前係片場嚟架。有戶外檯，見到有其他客人帶埋隻狗都可以嚟，咁我地下次都可以帶Loki一齊嚟呀！

食完又要返屋企預備今晚晚餐呀，今晚我地有個七一聚餐，好多野要整呀！