2012年7月25日 星期三

Sabah Trip - Day 2


2012年7月25日下午3:12公開累積瀏覽 553 2

個Lobby都算大, 但有好多人唔方便影. 呢條樓梯有的似曾相識...  導遊到啦....
 

旅行社嚟接我地啦, 吓! 點解咁大架旅遊巴, 原來今日好旺場呀!  好多人出發, 佢地每間酒店接幾個人客, 加埋加埋咪成架旅遊巴囉.
 

旅遊巴一轉出去就見到好多高腳屋, 相信呢道係貧民區, 因為見到的衛生環境頗差, 好多垃圾.
 
好快就去到碼頭, 我地要坐船出海, 今日真係好多人, 整個碼頭都係旅客, 等著出海
我地就係坐呢款快艇, 每一架最多可以坐最多18個人

坐快艇出去都好刺激呀! 開得好快, 今日天陰, 好大浪. 的海水不斷咁打落我地塊面同身上, 不過我地早有準備, 著哂泳衣.

去到先安排水上活動, 嗰道嘅職員話今天好多人耍排隊, 要個多鐘頭後先有得玩. 嘩, 我真係十幾二十年未玩過呢的野啦, 不過難得一家人嚟, 一齊玩開心的.  

呢段時間, 我地先出去浮潛, 呢道先兩日落大雨, 水底好多泥, 跟本完全睇唔到的咩, 游幾游都覺得無趣, 睇著個泥漿底, 真係無咩好睇, 唔游啦, 上岸等玩水上活動.   今日人多, 等足咗個幾鐘呀!

大公子二公子join咗一個package, 包水上電單車, Fly Fish 同降落傘, 而我同型爸就唔玩水上電單車, 都係join package, 玩漢堡包, Fly Fish同降落傘.

真係估唔到, 坐嗰個漢堡包, 原來好辛苦架, 上下咁chok(撻落水面), chok到我條頸好痛, 玩到第二round要叫停, 唔敢再玩啦.  Fly Fish好需要臂力, 又係唔玩得耐, 又燧到第二round就要停. 我地個個都玩到好攰, 反而最輕鬆係玩降落傘.  仲覺得有的悶.  我地玩呢的水上活動, 用咗RM1,220....全程個幾鐘, 都真係幾貴, 再加上join呢次local tour RM850... 加埋都要二千幾馬幣,

玩呢的水上活動, 無法帶相機, 無得影相呀! 
 
我地玩完水上活動, 已經過咗食飯時間, 個導遊留起一的食物比我地... 二公子就話見到都唔想食... 不過好唔好都食的啦

食完下午就去另一個島, 導遊話呢個島的水可能會清的.
 

呢個島都幾靚嘅, 的水都好清澈, 肉眼望落去都見到的魚.

我地响呢邊浮潛, 的水清少少, 起碼見到的珊瑚同的魚, 不過玩一陣就走啦, 最慘係呢邊無水沖身, 始果要用的飲用水沖吓塊面, 醃著返去. 

呢個島有呢的大隻蜥蝪, 都有成3-4尺長, 唔知咬唔咬人呢.

兩點鐘就回程, 返到酒店三點幾, 我地急不及待去沖涼, 吹乾頭髮就瞓啦..... 好攰呀, 好耐都未試過咁多體力活動, 兩位公子都攰到不得了, 我同型爸就更加啦.

六點鐘我地又要出發, 去食晚餐呀!
 

導游帶咗我地去呢間叫燒匠嘅餐廳, 我地食燒肉呀!  餐廳有的日本feel,
 

裝修全部以紅黑為主

檯上面有個爐, 應該係比人食火鍋嘅, 但我地今日嚟食"grill", 佢地會燒埋serve我地

呢的配料係加落的豉油, 可姒醮嚟食.

再睇吓張墊餐紙同咭片, 原來佢地香港都有分店, 响深水埗, 叫小金井
 

我地繼續叫呢桔仔冰嚟飲呀!  好好味.
 

第一份燒烤嚟啦, 有虎蝦, 牛油帶子, 雞腎, 雞肉


第二份有冬菰, 申燒肉丸, 燒腩肉, 墨魚, 焗薯仔
最後係焗蟹及燒青口.

呢個份量, 我就啱啱好, 但大公子二公子就覺得唔夠飽, 佢話一陣間要去買杯麵.

甜品係呢道出名嘅雪條, 佢地要芋頭味

而我充山3要榴槤味
 

上次去馬來西亞都食過好多次, 有的有榴槤肉, 但呢款無.  不過都好香好滑.


食完真係叫導遊帶我地去超市, 大公子二公子就掃杯宦同零食, 我就掃的咖哩叻湯醬呀, 椰漿粉呀...一大堆.
 

跟著導遊就帶我地去KTV, 真係想像唔到的夜店會喺呢的區, 非常靜
 

呢個就係KTV嘅入口

入面有十張八張檯, 望出街外都係好靜無咩人行.  而負責打碟嘅就係紅色衫嘅年輕人.   想唱咩野歌, 就寫張紙仔比個歌名, 佢就會搵首歌出嚟.

馬來西亞係回教國家, 飲酒好費架.  一杯要RM62蚊


我地每人包咗一杯飲品, 型爸要啤酒

我地就要雪碧

初時都無咩人, 淨係得我地一檯, 獨家演唱, 不過跟著就開始好多人, 差唔多坐滿, 要每檯輪著唱.
 

大約十點幾我地就離開, 但係條街都係好靜, 如果唔係有人帶, 我地呢的旅客真係唔識嚟.

返到酒店都差唔多十一點.   我地明早唔需要太早起身, 八點幾就可以.  導遊早上十點會接我地市內觀光.
張貼者： 於
標籤：

沒有留言:

張貼留言

訂閱： 張貼留言 (Atom)