一餸一湯

September 30, 2014, Tuesday

今日係假期前夕, 本來好開心架, 但放工回到家裡, 見Cindy放假仲未返到屋企, 心中有點忐忑, 唔知佢會唔會過份home sick, 唔想做要返家鄉，如果係咁就真係頭都痕，到時又要等幾個月，又要重新教一個。　今日一早已經打電話比個agent, 話比佢地知Cindy有思鄉病，要佢地再輔導一下。

忐忑還忐忑，我同型爸都要食晚飯架。佢晚飯時間未返到，我唔會留飯餸比佢(哈哈，等佢知道無功者飯餸不留).

型爸話我地兩個人，一餸一湯夠啦，整生菜鯪魚球湯啦, 又好喎，夠快呀！


反炸豆卜（豬肉搆鯪魚肉），昨晚已經釀好，今晚只要半煎炸就可以。　 哼哼哼，我用自家炸嘅豬油嚟炸，真係好香呀！

 
西生菜鯪魚球湯

一餸一湯，連飯都唔使裝，我同型爸食呢兩樣都已經飽飽啦。

食完晚餐，洗好哂碗，外面落大雨Cindy都未返, 打電話比佢電話又唔通，真係有的擔心，　咁夜唔見咗佢，都唔知去邊道搵。

差不多九點佢先返到嚟，我問佢點解咁夜，佢話等小巴返嚟等咗個半鐘(可能外面馬路有意外啩). 

開心嘅係，佢放完假心情好似好好多，見佢買咗的野，佢攞比我睇，　原來買咗的衫比自己同佢個女，佢話有個鄉理二十幾號返緬甸，到時帶比個女（哈哈，女人真係鐘意使錢，無錢但都係要買)。

佢未食晚飯，要自己煮麵啦。　見到佢放完假開心的個樣，我都安心的啦。