帝皇雞 & 大閘蟹

October 5, 2014,

今日真係有大閘蟹到, 不過型爸要去國內攞.  雖然有的麻煩, 但為食之人, 上去攞蟹再同客人食吓飯啦.

咁有蟹食我地唔會咁自私, 咁多蟹都食唔哂啦...嗱嗱聲whatsapp的鄰居, 哈哈, 一吹雞, 今晚六個家庭十二個人齊齊出席, 好耐都無試過啦.

平時食蟹我都會整幾款冷盤, 但今日無時間出去買料整冷盤, 咁啱昨天醃咗隻帝皇雞, 今晚一齊食啦.  呢款醃料在馬來西牙買, 一包要馬幣八元.

都好簡單, 雞洗淨, 用醃料內外塗勻

 
用錫紙包好放入雪櫃醃一晚,今日放入蒸爐蒸三十分鐘.

 

蒸好攞出嚟望一眼, 叫Cindy斬雞, 哈哈, 點知一斬隻雞未完全熟透, 結果斬好要再入蒸爐蒸多十分鐘.  可能有鍚紙包著, 隻雞受熱唔夠呀!

型爸晚上七點先返到嚟, 我要去火車站接佢, 一返到屋企, 真係忙到一頭煙, 洗蟹, 蒸蟹, 煲薑茶, 調個糖薑汁鎮江醋, 熱酒, 真係氹氹轉. 

好彩陶媽攞咗一盒壽司嚟, 再加埋我隻帝皇雞頂吓肚...不過差唔多八點就有蟹食啦.

當並時我左騰又騰, 邊記得影相吖, 到食完先有的時間影兩張相

呢箱蟹有六十幾飯, 攞到返嚟, 型爸即時送咗十隻, 叫朋友嚟攞.  我地今晚計埋Cindy十三個人, 前後蒸咗三十五隻.   最後仲剩番十八隻

今晚其開了四酲紹興酒, 每酲 1 公升, 飲咗4 公升, 後來再開whisky

今晚嘅辯論實在太激烈, 一講起佔中/反佔中, 即刻各有立場....哈哈,  好彩我地都係成熟嘅人, 唔會因為咁而撕裂我地嘅關係.

林老闆佢地買咗的新鮮水餃, 我又係要煮煮煮, 48隻, 13個人都食唔哂.

最後剩咗的咩? 就係呢的蟹拑, 個個食食下就唔食啦...我唔會嘥嘅, 明天將佢拆肉, 用嚟炒蛋就very good 啦.

我今日真係做到傻咗, 攪到食大閘蟹都無心機, 再加上五天假期完畢, 我明天要上班呀!

但的鄰居十分好興致, 傾到十一點幾十二點先肯走, 最後再約埋明晚去中環食飯, 真係多節目呀!

我好攰, 仲要洗頭沖涼, 起碼兩點先有得瞓呀!