炒台灣米粉 + 魚腩粥

October 3, 2014, Friday

今日唔係假期, 但係我請咗假.  請一天可以連放五天假, 心理上覺得好化算, 好似放咗一個長假期咁.

Cindy嚟咗咁耐, 我都未教過佢煲粥. 今日教佢煲粥炒米粉.

 
呢包台灣米粉又係買咗幾個月, 當時都唔知的台灣米粉, 好多都唔係純米做.

 
呢包都係呀, 用米加玉米粉.  咁我又唔驚, 玉米粉都一樣食得.

 
繼續用我嘅方法, 的米粉唔係用凍水浸, 係用滾水浸, 浸到的米粉鬆開, 仲有的漲大, 跟著剪斷的米粉, 唔使咁長方便炒呀!

配料有台灣香腸, 蘿蔔絲, 仲有昨晚食唔哂嘅炒椰菜

好懶呀, 今日又係一鑊過

用個鑊爆的台灣香腸

跟著加蒜頭

加蘿蔔絲, 炒香再加的椰菜

最後加埋的米炒, 加調味一齊炒.  咁的米粉就攪掂啦.


至於煲粥, 昨晚入咗一杯米入冰櫃, 今早用個Shuttle Chef加瑤柱腐竹煲咗個粥底.

食嘅時候用另一個小煲再煮滾,整個生滾魚腩粥.

樣樣都係我整, 真係好忙, 食時咩相都唔記得影啦.

點忙都好, 見到型爸食得咁開心, 仲不斷讚好味....點忙都抵啦.

多咗嘅粥, 教咗Cindy 用生滾粥嘅方法, 明早食魚腩粥早餐呀!