京蔥炒牛肉

October 9, 2014, Thursday night

放咗工返到屋企, 繼續都係要煮煮煮

 
平時好少買京蔥, 買咗一札三大枝, 平時好少煮, 只係用咗一枝份量, 切起好似好多.

牛肉切薄片醃好先走油(唔好炒到咁熟), 盛起備用

唔想咁單調, 用紫洋慕做配料

先爆香京蔥同紫洋蔥, 一爆起就知唔夠京蔥, 應該一次過用哂三大枝.  跟著將的牛肉回鑊, 跟著埋個茨就得啦.

好快攪掂.

但我要Cindy整嘅兩個餸, 粟米魚餅變成咁.

佢菜心炒小棠菜, 的菜心就諗咗, 但的小棠菜仲係好硬.

螺頭雪耳瘦肉湯

哈哈, 今餐當然係的京蔥炒牛肉比較好味啦.

食完飯有的唔likes呀, 卒之都知道Cindy點解的餸煮成咁, 原來佢話明天要放飯...吓, 咁突然.  之前唔係講好佢想要錢, 唔想放咁多假.  佢個個星期放一日假絕對無問題, 但預早講定, 唔好突然話明天要放就放.

我今次同佢講明, 只此一次(如果明天唔比佢放, 佢一定唔開心) , 每個月嘅假期, 要在日曆畫好, 咁我就會有預算.

本來型爸話明天同我出去食晚飯...現在又要諗吓先.