西生菜黑椒札肉大鑊米線 + 豬油渣

October 2, 2014, Thursday, 重陽節假期

十一假期煙花匯演取消, 本來我一向唔喜歡放煙花, 覺得十幾二十分鐘要花費幾百萬, 不如用呢的錢幫吓的窮人.  但聽到新聞, 煙花取消, 影響了旅遊業, 酒店業及飲食業, 的配套消費全部無哂, 對業界好大影響, 佔中今勻真係攪到好大鑊.

大鑊!大鑊! 今日就用個大鑊嚟整米線啦.

 

呢包江西米線都買咗一排, 係時候要清咗佢

 

今日配料, 黑椒札肉.  的札肉真係唔平, 呢嚿三十幾文, 貴過豬肉

  
菜就用西生菜啦

的米線焯好過冷河

都無咩技巧, 整個湯焯好的札肉同生菜

加埋的米線, 大大鑊的札肉米線就煮好.

 
我喜愛的蘆薈小麥草

 
仲有呢排差唔多餐餐都食嘅大孖勁辣油

我同型爸的午餐

差的唔記鬼, 仲要加的豬油渣.   自己炸咗的豬油, 唔好嘥呀, 細個去食豬油渣麵, 都無呢的咁新鮮呀!

好矜貴架, 炸咗一樽油, 都係得一小樽豬油渣

的豬皮我都無放過, 超硬, 炸咗三次先至脆呀!

加咗的香口嘅豬油渣, 哈哈, 令碗米線生色不少呀!