老少平安

October 2, 2014, 重陽節假期

第二天假期, 本來預備去香港仔整頭髮, 但佔中關係, 盡量唔去港島區.
 
我要普選，但我唔要整個香港社會撕裂呀！我地工作咁多年, 剛有的成果，每個人都想安居樂業.   學生可以爭取訴求，但用霸佔旺市，影響其他市民的生活/生計來做籌碼，我絕不認同！

我希望香港市民老少平安, 今日整個老少平安先.

用咗豬肉及魚肉, 二比一的比例, 一份豬肉, 兩份魚肉

一盒蒸豆腐

將豆腐, 豬肉, 魚肉拌勻就可以.  豬肉調咗味, 魚肉都有味, 但豆腐無味, 所以都係要加多的調味, 最緊要落胡椒粉呀!

放入蒸爐蒸15分鐘就得啦.

我畫蛇添足, 蒸好之後加咗的蔥花及豉油熟油, 其實可以唔使加架.

另外炒咗個椰菜

滾咗個鹹蛋節瓜蝦米肉片湯

另外仲有加餸呀, 我同型爸今日去咗Ocean Three買野. 今餐有海膽同螺頭做煎菜呀!

 

兩個人撐檯腳, 非常豐富.

餸太多食唔哂, 好彩有個強勁幫手, Cindy好有食力架.