三色椒沙葛炒雞腸

October 13, 2014, Monday night

昨天去大埔墟街市買餸, 買咗三色椒同沙葛, 仲有雞腸(好多街市都無雞腸賣), 今日急不及待, 整咗個炒什錦. 

呢款餸無咩特別技巧, 只係將所有配料切到細細粒, 炒炒炒炒, 最後埋個玻璃茨.  我用咗三色椒, 沙葛, 菜圃, 仲有雞什.  如果有腰果或花生, 可以加的落去.   以前細個記得呢碟餸叫"炒厘粒", 咁的配料有的唔同, 但現在係改良版麻.

仲有一碗蟹肉, 快的炒蛋食埋佢

呢碟魚香茄子失咗的手, 又鹹又辣.  但Cindy就食得好開心.

今餐Cindy淨係幫手煲咗個南北杏木瓜雪耳雞腳湯, 其他都幫唔到手, 慢吞吞咁.

三餸一湯, 碟碟都大大碟食唔哂....哈哈, 最後都係由大食Cindy攪掂, 嗰碟魚香茄子, 又鹹又辣, 佢鍾意食到不得了.