白桃果凍

August 9, 2014, Saturday

我唔係桃嘅Fans, 以前好怕食桃, 因為兒時有的陰影, 都唔記得有人話我知定係真實睇過, 將個桃擲向牆, 個桃爛咗, 但唔使幾分鐘就會有好多蟲.   呢個景象印咗落個腦好耐, 近呢幾年先變得模糊.

未去日本四國旅行之前, 都唔知日本有咁多地方出產水蜜桃.  今次去旅行, 其中一個節目去摘桃, 雖然唔係咩野特別, 但自己從樹上摘下來, 都幾開心架.   跟著食白桃放題, 差不多每一個都又甜又多, 已經一的都唔怕桃啦.

 仲帶咗四個白桃, 八個水蜜桃返嚟添


 仲唔止, 見到有呢兩款果凍, 買咗的送比同事, 又帶去媽媽食.  媽媽現在好似小朋友, 我成日買的小食去氹佢.  咁去日本就買的大福果凍比佢試吓啦.

 去完旅行返嚟, 先留意到就見好多水蜜核, 街市超市都好多.   中國出產嘅就平的(可能運費平的吧) 日本, 美國或其他國家進口的, 大概都要 around HK$40 一個.

今天晚上食完飯, 型爸話要去一田買火腿芝士, 去到又見到好多日本進口的水蜜桃,  價錢同我地由日本帶回來都差唔多.  真係唔需要拎得咁辛苦.  不過好多時買野, 都係幫吓導遊手, 等佢贊的外快啦.

不單止有桃, 連桃類製品都有好多.

其中呢的果凍, 我忍唔著手買咗幾款試吓呀!

其中一款係什果(入面有白核及黃桃), 另一款係白桃, 有一整個呀.   買完就即刻唔記得價錢, 好似HK$14.90 or HK$15.90

一杯都幾木架, 買到返嚟先睇標籤, 每個有300g 呀!

而另一款印著有紅色桃嘅就細杯的, 只有250g.  呢款好似平的, HK$10.9.   返嚟睇吓標籤, 唉吔, 呢款加咗42g糖呀!

忍唔著即刻打開試吓, 真係成個桃响入面. 的啫喱面真係甜咗的呀!

其實我好鐘意食果凍架, 喜歡那涼快的感覺.   諗諗吓, 呢個價錢, 有成個桃响入面咪好抵.  雖然個桃比新鮮嗰的細的, 但呢個可以放入雪櫃, 幾時食都得, 另類選擇呀!