日本四國之旅 - Day 5

July 29, 2014, Tuesday

第五天, 行程最後一天.  都慣啦, 唔使morning call, 自已自動起床

 

 呢間酒店的早餐都ok架. 食少少啦, 唔敢食得太多

食完我地八點又出發啦.

我地去行公園, 品茶呀!

呢個公園叫粟林公園.   呢個地方以前係屬於一個藩主栗林大名, 但後來家道中落, 呢個公園就歸當地政府.   講真, 咁大地方, 要維修都要好多錢啦.

導遊幫我地買門票呀!  呢個導遊好攪鬼, 成日都話自己有型同靚仔

 

行咗咁多公園, 呢道真係值得嚟, 個公園真係好靚, 到處都係有形態(修剪過)的松樹

 
呢的松樹嘅品種叫五葉松

睇吓靚到底!!!

真係忍唔著要不停影相

 

用手機panorama function, 影張靚相先.

我地去到掬月亭, 去品茶呀!

 
去到有幾位日本好士已經在準備, 本來品茶要跪喺詭, 但我地中國人唔習慣, 好多團友坐一陣就要申隻腳出嚟, 壓著隻腳嚟坐, 好快麻痺.  年紀大的嘅姐姐, 道遊預備咗幾張櫈比佢地坐.

每人派了一塊糕點及一張紙

跟著每人派一碗綠茶, 時間關係人太多, 無可即時蘑茶煮茶比我地, 所姒我地到時, 的茶已預備好.

每人一份, 教我地點樣轉個碗慢慢飲,的綠茶好濃有的苦, 有的似飲24味.  唔怪得之要比件糕點嚟送茶啦.

跟著就參觀佢地嘅茶社

 

呢個係整個公園嘅模型

仲有其他細小的嘅茶室

跟著繼續出去影相

的錦鯉好大余呀!

同圍, 可以講每一處地方都刻意修剪過


我地企响偃月橋上面

就可以影到呢張靚相, 其中一棵樹, 修剪到成個心形.

行完公園, 又到下一個行程, 又去shopping

最後衝刺, 高松拱形最長的商店街.   其實日本好多高店街都係咁上下.

 
最突別係街中心有一個拱形圓頂

面呢道較為出名嘅係食骨付雞.

我地今日午餐要自費, 咁梗係要試吓啦. 點知入到去, 佢話今日無得賣骨付雞, 咁唔食啦.  呢道好得意, 自助快餐, 先買票, 再去攞野食, 大部份都係日本男士.


整條街最特別係呢間五金鋪, 呢間賣銅器, 對面一間一模一樣買鐵器

行咗一輪又買咗的野, 跟著去行三越, 哥哥去買男裝手巾, 比香港平好多喎.

 

食唔到骨付雞, 我地在三越段面見到一間小麵店, 入去試吓. 

 
入到去, 餐牌都無, 就只係掛在牆上的menu, 全部都係日文, 連漢字都無.  唯一一個係個肉字.

型爸話好簡單啫, 叫兩款最貴就得啦, 即係600yen 要兩碗, 550yen 要兩碗.

咦, 牆上有幅書法, 係安倍晉太郎寫嘅.   應該唔係安倍晉三吧!

的麵嚟啦....呢碗係素,無肉的.  我同嫂嫂食.

呢款係有肉的, 型爸同哥哥食.

每人一碗夠啦, 其他都唔識叫.  碗麵唔錯喎, 湯底都幾她味.

不過唔知點解, 埋單收平咗, 只係1,900 yen, 應該係2,300yen, 哈哈, 唔知係咪我讚佢地麵好食呢!

下午一點集合, 我地出發去機場啦.  上車, 繼續見到的團友大家一袋二袋繼續買.  哈哈, 我地都唔例外.

我地坐三點二十分機, 足夠時間check in, 導遊都好多野做, 因為好多團友都訂了由旅行社代訂山梨園的水蜜桃. 北海道的帶子剌身, 魚子, 蜜瓜. 

入閘前坐到車, 上面的banner, 寫哂thank you.   講真, 只係近來旅行社先開發四國呢條線, 仲未有好多旅行嚟.

去到閘口duty free, 繼續買, whisky, 梅酒, Royce 朱古力....手提都三四袋.   唔怕上唔到機, 呢架係包機嚟, 只有兩團人, 唔滿座.

估唔到呢份飛機餐又幾好味喎, 咖哩雞嚟架.

 

呢塊白朱古力方塊酥, 幾好味架, 當係甜品啦.

飛機delay 咗30分鐘, 去到台北轉機, 時間有的緊張.

不過佢地一定等埋我地嘅 只係又要再過一次security check,

今次呢份飛機餐就真係好難食, 大豆芽菜豬肉, 無得選擇 好鹹呀!   呢班機唔知攪咩鬼, 無servei凍飲, 即係汽水蘋果汁都無, 只係得咖啡同烏龍茶.

差唔多九點landing, 送埋哥哥我地十點幾先返到屋企.   我請多一日假, 明天唔使即時返工, 休息一下啦.

五天旅程完滿結束.  每次去日本, 食野買野都好開心.   嫂嫂話下次想去立山黑部呀!