日本四國之旅 - Day 3

July 27, 2014, Sunday

行程的第三天, 又是六點十五分morning call.  七點食早餐, 八點攞行理上車.  跟旅行團就係咁, 行程多, 車程長就要早的起身啦.


呢間廣島麗嘉酒店好大間, 有兩間餐廳可以食早餐, 一間在地下, 一間在六樓.

我地選擇在六樓食早餐, 呢間餐廳好大呀.   Again, 客人都以日本人為主. 日本的牛奶好好味架.
 
八點開車, 又出發了.  呢個團的團友都幾好, 大家都好準時, 好合作呀!

我們今天要坐船去宮島呀!

船程大約十多分鐘, 我地要去參觀嚴島神社.

 

一落船, 迎接我地嘅係呢的鹿, 唔係好大隻, 已經習慣同人相處,  一的都唔怕人,仲不停走過嚟問我地攞野食.

導遊先介紹如何去參觀些島

呢個係神社前的海中大鳥居(世界文化遺產), 呢個大鳥居嘅作用係比的雀鳥, 入神社前在這裡逗留潔淨身體(勃勃蕉), 才飛入神社內.   退潮時水退, 可以從岸邊行到大鳥居.

我地真係好彩, 去到啱啱有祭祀儀式, 叫Tamatori Festival, 玉取祭.  兩隊人爭奪一個球, 好似我地舞獅採青咁, 不過佢地响水中爭奪.

仲有其他人準備打鑼打鼓

我地入神社前, 要先洗手, 洗左手先, 再洗右手, 再喝一口水.  意思又係淨潔身體

呢道係入神社嘅長廊, 地下的木又係古木, 好名貴架.

入到去, 牆上介紹有關玉取祭

哈哈, 呢班就係勝利者影大合照.

跟著我地周圍參觀, 呢道有棵樹好特別, 一開九枝, 好似把扇咁.

跟著就行官島和風商店街, 呢道最出名係飯勺, 不過呢的飯勺係用嚟送上祝福, 唔係用嚟裝飯架.

 

行幾行好熱呀 (三十幾度), 見到有間餐廳食燒蠔, 外賣平的, 但入去食都係貴少少, 咁梗係入去嘆冷氣

仲可以整枝啤酒消消暑, 要了兩碟共十二隻燒蠔... 哈哈, 淨係食蠔咋, 因為唔餓, 而家只係早上十點幾.  不過嚟到呢道, 唔食吓燒蠔點得呀!

今日係星期日, 島上頗多人, 大部份都係日本人, 外地遊客唔多, 好多店鋪都賣牡蠣醬汁...哈哈, 即係我地嘅蠔油呀!

燒燒鰻魚呀! 不過食唔落啦.

仲有其他炸物, 都只係睇唔食啦呀! 因為十二點半我地就食午餐啦.

經過一處, 見到一隻大飯勺, 哈哈, 呢隻就係全日本最大嘅飯勺, 大概有五米長吧

大約十二時十五分, 我們乖船回程.  在碼頭的商場餐廳午膳

 

每人一份set lunch

有炸蠔

炸雞

茶碗蒸蛋, 呢道間間日本餐廳都整得好滑好好味呀!

今日呢碗麵豉湯比較清淡, 啱口味的

仲有小食及前菜

食完行吓商場(又買野) 我地上車去下一個行程啦..... 倉敷和風古典街.

嚟呢道都係睇的古舊建築物及庭園.  不過好多舊建築物已經變成小店啦.

呢道風景都好靚

 

見到一樣新野, 係脆蠔餅嚟架, 買一塊試吓, 120日元.  

整嘅過程都幾得意, 影比大家睇吓.

 
見到那位小姐將的麵粉搓成小丸子

放在熱板上壓下, 即成圓餅

跟著放上一隻蠔, 跟著再加入一粒麵粉丸子, 壓下焗兩三分鐘

就成為呢的脆蠔餅啦. 味道都唔錯架.

呢道好多店嘅產品, 都同蠔有關架.

行完我地又去下一個行程.   早上行咗咁多, 真係又熱又攰,  今次車程較長, 可以休息一下.

 

不過下一個行程又係行, 今次行Outlet, 哈哈, 攰都要頂著啦.   時間唔係好多, 只有兩個幾小時, 哥哥佢地主力去買咗的跑步衫跑步鞋, 型爸都買番一對, 好平呀.   

跟著就係Edwin買牛仔褲.  唔覺唔覺又買好多.  哈哈, 又有小禮物呀!

時間差唔多, 我地要去食少少野, 唔可以食太多, 因為今晚訂咗的食物做宵夜呀.

每人一碗麵, 跟著要的餃子啦.   食拉麵配餃子就最match啦.

呢碗係長崎拉麵配餃子

 
我同型爸哥哥都要了博多拉麵.

  
仲有兩件炸雞.

型爸買了桃汁....哈哈, 急不及代, 明天早上都去摘桃啦.

食完飯酒店

今晚住岡山國際酒店

哈哈, 無幾耐, 導遊送宵夜嚟啦.  我地訂咗拖羅, 帶子及牡丹蝦刺身, 仲有兩隻北海道蟹

 

我地去超市買定啤酒啦

睇著外面嘅夜景食宵夜都唔錯架.

的北海道蟹都頗大隻, 開出嚟唔記得影張靚相, 食剩的蟹腳時先記得.

不過食食吓我已經頂唔著, 的拖羅好勁, 食幾件都已經好滯啦.

食完要好好休息, 今日嘅由朝到晚都行, 天氣又熱, 真係行到腳都跛呀(哈哈, 都係平時唔夠運動量之過). 

明天早上去摘桃, 又係六點十五分morning call 呀!