粉嶺新漢記

August 10, 2014, Sunday afternoon

林老闆的大公子英國返嚟送暑假, 轉眼兩個月, 下星期中又走啦.  今日我地一家同林生一家一齊出去食晚飯.

去咗林老闆其中一間喜愛又相熟的飯店, 粉嶺新漢.   林老闆幫襯了十幾年, 同呢道嘅老闆已經成為老友.  我地嚟呢道都食過好多次啦.

哈哈, 我都無見到林老闆無點菜, 個老闆話咁鬼老友我整咩你就食咩啦.   最後, 林老闆只係要了半隻雞, 半隻鴨, 其他都食漢記老闆點的.

第一碟係蝦干麻醬拌青瓜

白焯韮王豬炒腸

炸魚條, 入面有青豆架.

 
炸蝦干魚干

半隻雞, 一份鴨

客家滷豬肉, 上完一碟又一碟

炒魚麵

油浸筍殼, 呢條魚三斤幾, 漢記老闆話昨天釣的.   呢條魚一的都唔平, 貴過老鼠斑呀!

薑蔥蟹, 野生海蟹, 唔係養蟹.

白焯雞雜

呢碟我未食過, 係蓮藕芯, 睇落似蓮藕, 食落似西芹, 好爽口架!

甜品係黑糖蒸蛋糕, 食完林老闆話仲要pack 一盒返去, 因為我地仲有下場, 約咗去八號屋飲野呀!

今晚的餸上得慢咗, 因為漢記老闆竟然逐樣餸上, 攪到我地遲哂到, 本來約咗八點半, 結果九點先去到.

瓜山號屋女主人整咗椰撻, 仲預備咗春卷小食得我地呀!

咁五號屋即刻返屋企攞日本買嘅Choya過嚟啦.

呢款金裝Choya,只係日本內銷無出口架.  我响日本高松機場Duty Free 買架. 都幾濃梅味, 甜咗少少, 要加冰.

 而呢款桃酒, 就喺岡山買架.  酒精度只得7%, 飲完梅酒先飲呢款桃酒, 覺得好淡呀!

不過飲吓飲吓, 暈暈地, 要快的返屋企瞓覺呀!