二人火鍋晚餐

August 9, 2014, Saturday Night

去完 IPC-Food Lab 食lunch, 多口問型爸今晚食咩好呀?  點知佢一句彈過嚟, 我講食咩你都唔鐘意架啦... 吓, 使唔使咁呀.   咁又係, 佢同我講咗幾次話打邊爐, 我都係咦咦哦哦.   見佢咁講, 我唯有話咁久唔久都可以應承一次嘅.

唉, 真係唔知點解的男人咁鐘意打邊爐, 二公子又係打邊爐fans.  不過佢今晚約咗人, 只得我同型爸.   型爸話我地兩個人, 唔使買咁多肉, 食魚鍋啦. 

呢排個胃唔舒服, 都唔敢食辣鍋, 只係落個濃湯寶豬骨湯鍋底, 另外整個桂林辣椒油+新鮮蒜蓉辣椒豉油做醮醬.

丸類只買了手打牛丸及手打魚蛋.  呢款响魚檔買的手打魚蛋好好味架.

 

今次買了安格斯牛脊肉,

加埋的菜, 腐竹, 就係我地今晚二人魚鍋火鍋晚餐.

雖然我無咩興趣食, 只吃了五份一魚, 四粒魚蛋, 兩粒牛丸, 四片牛肉, 兩片腐皮加的菜.  但加埋加埋都已經好多啦.   可能無對手, 型爸都唔係食好多, 結果全部都剩番好多. 

咁其實打邊爐都好嘅, 可以兩個人食吓傾吓.   平時食飯型爸食得好快, 一家係我包尾.  但打邊爐佢多數會坐定定一齊食到尾.

遲的Ruby約滿, 新工人又未到,  放工返嚟唔使趕, 唔使煮, 淨係洗, 打邊爐就最啱啦,

 哈哈, 一連打十日邊爐, 唔知佢兩仔爺仲鐘唔鐘意呢?  Kakakakaka, 我都頂唔順啦.