IPC - Food Lab - Fanling

August 7, 2014, Thursday night

星期四晚, 又是我跟型爸外出別吃晚飯的日子.

今天吃晚飯的地方有點特別, 是在大粉嶺工業區, 鄰居介紹我們來的.  這餐廳提供的都是有機食品, 沒有紅肉, 只有白肉.

詳細地址: 粉嶺安樂門街二十六號地下.  IPC中心.

當晚去到已經天黑, 周圍附近只有街燈, 附近亦唔覺有其他食肆.  最好是有免費泊車, 可直泊IPC中心地下.    全棟工業中心(大概六七層啩), 都係用嚟種有機蔬菜.   餐廳門口全用木裝飾

 
 對街外都以落地玻璃為主, 掛了木簾


入面主要亦以木裝飾, 地方不大, 二人檯有4 張. 4人檯大概有4 張, 另外一張十人高檯.

入門口左手邊有一個房地間,  從外面看入去, 大概可坐十二人吧.

面高檯背後的牆, 掛了呢道食物流程, 那三個黑色牌子, 寫著Growing - Cooking - Dining


餐檯椅亦是木製品

我們坐的位置並不舒服, 因為三張二人檯排在中間, 而每張檯只相隔一尺, 講說話隔離都聽到.   我地見檯都唔滿, 問可否調位.  侍應話其他的位已經有客訂了.....哼哼哼....到我地食完走啦, 都仍是吉位呀!

呢道A la Cart menu, 選擇唔多

以蔬菜, 菰類, 魚, 海鮮及雞肉為主

大部份的蔬菜, 都是在這IPC 中心種的.

睇完menu, 型爸不要set dinner, 叫A La Cart.  先來地中海凍湯.   我唔起歡凍湯, 想要姬松茸湯, 但今天沒有姬, 所有related食品都無得供應.

 
型爸另外要了呢道招牌沙律


但沒有無花果, 用了芒果代替.  左面的相是印在menu上, 見到好想食.   而右面係真實送上來的, 沙律dressing做得幾好味呀!

 

主菜型爸要了有機雞肉蛋三文治.

份三文治都幾好味架, 睇吓幾厚.  的紅蘿蔔好甜好好味.  我同型爸每人一件.

我比較懶, 唔想諗咁多.  選了晚餐, 有兩款選擇, 但其實是同一個餐, 分別只是食多或少.  餐A食少的, 頭盤或湯, 二選一.   而餐B 係full course, 有果汁, 頭盤及湯.  兩個餐價錢相差HK$70.

面主菜都係同一mene, 三選一.  甜品及 咖啡或茶.

我唔想食咁多, 要了餐A.  松子仁蟹肉他他.   幾好味喎.  細細份, 不過一樣同型爸分享.

主菜要了三文魚忌廉野米飯, 飯量少, 但很飽肚.  又是同型爸分享.  一件三文治加一半飯, 好夠呢.

 

咁夜我唔飲咖啡, 餐飲給了型爸, 他要了Latte.  拉了花呢.  不過奶太多, 咖啡味沒有了.

 

呢道的咖啡糖, 都是有機的吧.

甜品是芒果朱古力蛋糕, 又是細細件.

呢道的野唔平架, 雖以蔬菜魚類為主, 但價錢同去西餐廳食牛扒都相近.

但呢道嘅食材感覺好新鮮, 做出來的味道又唔錯,  呢間餐廳一家會再嚟呀!