翡翠拉麵小籠包 - 機場店

August 2, 2014, Saturday

型爸有兩位台灣朋友, 昨天公事到廣州一天, 今天將回台灣.   平時佢地回台灣, 都不經香港其他地方, 只會由福永坐船直到香港機場.   昨天通電話問候有關高雄氣體爆炸事件, 才知他們出差一天, 真係來去匆匆.   大家好耐無見, 約他們從羅湖到香港, 再來我家坐坐, 再送他們到機場.

型爸上羅湖接佢地, 哈哈, 多人到嚇親.  平時坐船, 最多咪一百幾十人再碼頭, 但羅湖城真係幾千人都有.   型爸幫他們買火車票, 排隊都排咗成半個鐘呀.

幸好他們下午三點半機, 到我家仍可坐吓傾吓, 參觀我的家, 逗留了差不多一小時才出機場.

 Check in 後, 航班延誤半小時, 還有時間別點東西.

 
 我們去了吃翡翠拉麵小籠包.  還好, 剛巧有人埋單, 我們馬上有位坐.


坐著的位置, 剛巧看到那些廚師再拉麵及包小籠包.


翡翠海洋中心店我去食過, 但呢間機埸店我未幫襯過呀.   因為每次去機場, check in 後都去Premium Lounge 食野,咁有免費餐就唔想比錢食架啦.

 
呢道餐墊紙好詳細介紹的小籠包, 中英並重呀!

 
我地四個人, 每人叫了一碗麵, 再叫了幾客小食. 有小食拼盤, 紅油抄手, 靈芝菇菠菜下豆腐, 咁當然唔少得要小籠包啦. 

呢道的野食味道唔錯, 小籠包有的水準.  台灣朋友話這裡的小籠包比得上台灣的鼎泰豐, 好比面喎.

哈哈,  的餸嚟顧著招呼佢地, 又唔好意思左影右影 (費事型爸話我唔識大體呀!)

我, 型爸爸同另一位朋友都要了担担麵, 我自己呢碗就點影得啦.   呢碗麵好香, 的拉麵都唔錯(即拉真係唔同架), 可惜的湯醋落得太多, 醋味遮蓋了麻醬的味.  平時担担麵好少會落咁多醋, 廚師會唔會攪錯咗呀!

今次台灣朋友來去匆匆, 無時間好好招呼他們, 希望下次他們來時, 可以多留一兩天, 我們可帶他們周圍吃呀!