新城市廣場Food Court - 八番拉麵

August 15, 2014. Friday night.

晚上放工, 去了一轉觀塘, 朋友的公司sample sales, 型爸同二公子, 專誠車我去一趟.  不過無咩收鑊, 唔夠一個鐘就走. 本來型爸話一齊去沙田生昌食打冷, 嗰就有粥食, 佢地鐘意食煎蠔餅都得.  點知二公子話不如去新城市廣場.   唉, 通常我地都會順應民意嘅.

去到就真係覺得唔啱我地, 泊車要等位, 星期五晚, 人山人海, 很多拉著大拖喼的同胞.  我個囿唔舒服, 要食的野, 咁是但一間食肆都攞張飛, 呢間要等三十張檯, 嗰間要五十張檯, 真係人都顛.

結果都係要去food court, 雖然都係要等檯, 唔使得咁耐囉.

我選擇唔多, 只係想食碗熱麵暖暖個胃, 見到有間八番拉麵, 唔好諗咁多, 叫型爸買啦. 不過辣嘅食物就唔啱啦.

要了多菜的太麵套餐

嚟要都覺得唔錯, 哈哈,去日本仲未食夠拉麵餃子, 返嚟都係呢個選擇.

呢碗麵只有一塊肉, 其他的都係蔬菜, 上面放咗個8 字魚片.

型爸要了鰻魚炒飯

二公子個傻仔要了牛肉漢堡咖哩芝士飯.

二公子的朋友教完小朋友跳舞, 一齊過嚟食的野.  不過佢唔肚餓, 只叫了的日式炸魚蛋....哈哈..要了三款, 款款都似魚蛋, 但係食落都係似麵粉.  同我地中式嘅手打魚蛋無得fight 呀!