五號屋的部落: 日本四國之旅

2014年8月4日星期一

日本四國之旅 - Day 4

July 28, 2014, Monday

晨早又係六點半morning call, 七點食早餐, 今日食早餐在20樓餐廳呀!

昨晚食宵夜時影咗夜景, 早上都影番一張. 呢間酒店近車站, 市中心區

呢間酒店房間都ok, 應該係翻新過. 食早餐每位派的餐巾質量好好呀.

我地去到餐廳, 都唔係好多人呀, 的團友可能仲未起身.

不過我昨晚瞓得唔好呀, 少吃多滋味, 多吃壞肚皮. 昨晚豐富的拖羅帶子牡丹蝦刺身&北海道蟹夜宵, 我頂唔著呀, 平時好少食宵夜,個胃唔習慣, 成晚頂著. 攪到無覺好瞓.

我個胃唔舒服, 飲杯熱湯, 吃點蔬果就算了.

幸好昨晚行藥店時, 買了呢道好出名的第一三共胃腸藥, 食咗一次, 隔咗一個小時就覺得個胃好的啦. 個胃無咩事, 不過都係繼續食足一日藥好的, 一日要食三包呀!

其實早餐真係唔使食咁多, 因為今日第一個行程就係去摘桃, 摘完仲可以任食...食幾多個都得.

我地去岡山桃茂實名摘核, 的桃日文叫momo. 日本好多地區都有桃出產, 如山梨縣的水蜜桃. 但呢道的桃是白色, 成熟時只有很淡的粉紅色

呢道嘅桃樹林, 每一棵樹上的桃都有一個紙袋包著. 呢個就係的桃矜貴的地方, 全都要人手做. 個作用係唔比的桃吸收得太多陽光, 的桃因此保持白色. 唔好以為的桃白色唔甜. 好甜架.

摘時我們只可以打開紙袋睇吓個桃大唔大靚唔靚, 唔可以用手掂到的桃. 如果唔係的桃會爛架. 挑好就拆開上面釘著紙的釘, 雙手一托, 連紙袋摘個桃落嚟.

嘻嘻, 我地每人可以摘兩個桃, 仲有個盒送比我地拎的桃走.

跟著就係去食白桃放題, 佢地逐箱逐箱攞出嚟. 已經預備水桶比我地洗桃, 每人一把刀,輕輕將桃皮撕去, 咁就得啦. 唔好以為的桃要有的紅先係熟, 白雪雪嘅一樣好甜. 那位日本女士, 指比我地睇, 有個別桃有少許啡色, 唔係爛, 挑呢的係最甜.

型爸佔咩興趣食桃, 佢食咗一個, 我就食咗兩個半, 已經食唔落, 好多水食到個胃好脤呀. 不過有好多團友, 非常有食力, 五六個都無問題.

導遊話我地知, 佢地之前有個團其中一個團友, 一個人食咗十五隻桃呀. 哈哈, 個農場今勻蝕本啦.

呢道唔止的桃靚, 見到樹上的提子都靚到不得了. 去到佢地嘅商店, 見到的提子靚到似塑膠, 以為係陳列品, 點知佢地話係真架. 青提子我地無買,只係買了巨峰晚上回酒店食.

嚟呢道都唔好嘥, 貫了一枝巨峰果汁酒, 仲有白桃果汁酒.

大家食到開開心心又去下一個行程.

我地去瀨戶內海國立公鷲羽山睇風景呀

呢條瀨戶內海大橋群島大橋第一天已經坐車經過過, 今天來瀨戶大橋展望台及紀念館遊覽一下. 不過咁啱紀念館星期一休息, 我地睇完大橋再去補下一個行程.

個景真係好靚, 用手機嘅panorama function, 影張靚景先.

午餐响紀念館入面唯一一間餐廳食.

食咗咁多日日本set lunch, 只有今天呢個餐覺得唔係咁好. 唔知係咪餐廳預備得太早, 的炸物腍哂, 的飯已經唔熱. 侍應唔知去哂邊, 要叫先行出來.

唔好食唔緊要呀, 我地今餐又自費加餸, 導遊幫我地訂了一碟河豚刺身及兩板海膽刺身. 用宅急便送過來.

呢的係河豚的群邊.

的海膽刺身真係無得頂, 我們要了一碗熱飯加上海膽來吃, 好味呀. 不過的河豚刺身就麻麻, 一的鮮味都無, 同我地以前响大坂食嘅差好遠呢.

食完去手信店又買野(日日都買, 唔多唔少都買, 我昨天已經要將個喼中喼攞出). 唔止我地係咁, 的團友個個都係咁. 我地駕旅遊車放手提行理的地方, 都塞到滿哂啦.

跟著上車可以休息一下, 每天咁早morning call, 食完大部份團友都飯氣攻心, 覺覺豬呢. 去旅行就係要咁, 唔係買就係食,跟著就係瞓.

無得睇紀念館, 導遊補番一個行程, 丸龜城. 呢個行程無包括在我們行程之內. 不過我真係無咩興趣, 以前都去過類似嘅地方

今次要行一條好長又斜的斜路上去, 看全日本最細的天守閣. 哈哈, 我唔去啦, 在山下公園乘涼, 留番的腳骨力行街. 昨天行到好攰, 腳痛腰又痛, 今日都未攰完呀! 有幾位團友都同我一樣, 都唔願行上去. 天氣咁熱, 又要打傘又要撥扇,仲係咁出汗.

十幾二十分鐘後, 的團友參觀完畢, 我地又上車去下一個行程, 真係行程緊密呀!