日本四國之旅 - Day 1

July 25, 2014, Friday

呢兩年, 都好耐未試過跟旅行團去旅行啦, 今次哥哥嫂嫂提議去日本四國, 要去幾個省, 都係參加旅行團好的.

揀來揀去, 揀咗EGL其中一團去四國, 出發時間係早上八點二十分機, 好過其他團要坐凌晨機.  幾年前去韓國坐過一次凌晨機, 成晚都無得瞓, 真係怕怕.  平時自遊行, 都以舒適輕鬆為主, 每次都揀中午機去, 下午機返, 但旅行團無得選擇, 早機去, 晚機返.

由決定去旅行, 報名到出發都唔夠兩個星期, 一報名就要付全費, 旅行社話呢個團一定成行, 唔使擔心喎.

其實早機去都唔係咁好, 早上六點要在機埸集合, 我地住得遠, 四點就要起床, 四點四十五分就要開車,  真係摸黑出門, 天都未光就行大帽山出荃灣, 五點十五分接埋哥哥嫂嫂, 六點前就到機場.   去到見到導遊, check in 之後就可以去食早餐啦.

一行四人去premium lounge食番碗魚蛋粉先

 

整杯咖啡提提神, 諗著食飽的, 一陣上飛機就可以瞓吓.

 

今次要轉機, 由香港飛台北

 

晨早飛機餐竟然係焗茄汁通粉, 不過唔好味架, 剛啱食完早餐, 可以唔食.

  
 個多小時候到達台北, 馬上便要去轉機

  
坐電車去A閘口

轉乘另一班機去日本高松機埸.   上到飛機先知道, 原來呢班係EGL包機, 唔怪得之話一定成團啦.  呢班機有兩團乘客, 大約有七十幾人, 班機唔滿, 大家都坐得很舒適.  兩團都係去四國, 但行程就不一樣. 

飛機餐係牛肉飯或雞肉飯.   味道麻麻, 但係都要食的, 因為今日會夜的先食晚餐呀!

去到真係有的意外, EGL真係有的江湖地位, 竟然有迎賓團

日本舞獅助慶

迎賓卡通人物, 攪到我地好開心.

每個團在都有一份禮物

入面有呢道出名的手打半生烏冬, 手機繩及小册子介紹香川高松呢處地方

仲有水蜜桃試食.  真係好開心

離開機場上旅遊車,看出去都係鄉村地方, 的房屋好多都係的古舊建築.

 
我地第一站去參觀今治毛巾趣緻館.  時間緊張, 我地去到已經四點十分, 呢道五點關門呀!

  
去到又有禮物派, 每人又有小毛巾一條....哈哈,做咩呢個團咁好, 咁多小禮物嘅.

 
入口有幾隻用毛巾做的長頸鹿


留意吓左上角嗰位女士

就係呢道嘅開館主持, 桐島洋子女士

跟著就去行Cotton Road

呢部係梳綿機

有好幾部織毛巾機

跟著參觀嘅壁畫

全部都係用毛巾織架.

所有嘅毛公仔都係毛巾布織的.

呢條長廊地下, 放滿了不同顏色的毛線

呢的字畫, 都係織出嚟

呢的全部都係呀!

參觀完畢, 唔多唔少都買的毛巾啦. 跟著我地就去酒店check in 啦.

  
第一晚著嘅酒店, 叫今治國際溫泉酒店, 話得係溫泉酒店, 即係有溫泉浸啦.

 
check in 攞行理上房, 跟著就落2樓一間function room.  我地响呢道食晚飯.  房間好大, 只放了五張檯, 大家都坐得十分舒適

嘻嘻, 每人一份, 好豐富呀!

有壽司

剌身

豆腐

前菜, 毛豆花生

仲有牛肉鍋鳥冬

 
食完呢個鍋都好夠啦.

食完我地出去酒店附近散步

導遊介紹我地去買呢兩款茶, 佢話幾好飲架.   呢款十六茶有十六種成份.   哈哈, 韓國出咗款十七茶, 中國仲好似出埋十八茶添呀!  另一款伊右衛門係綠茶嚟架.

行完街我地返酒店, 九點落去浸溫泉....正呀!  今朝咁早起身, 浸完溫泉瞓覺, 消除吓的疲勞啦.

明天六點十五分morning call 呀!