陶源黃油蟹餐

August 22, 2014, Friday night

我個胃好番的, 型爸又叫我去食黃油蟹.  下星期Ruby就走, 新工人未到, 無人睇著Loki, 可能唔會成日出街食, 佢咁有興致, 由我生日講到而家, 咁陪佢食啦.

中銀信用咭有個餐好抵食, 只係HK$660一位.   如果唔用中銀信用咭, 差唔多嘅餐要HK$988一位呀!

如果單叫一隻蟹都要HK$428一隻, 咁個餐HK$660一位, 係咪好抵吖.

見到點菜紙有咁多樣野食已經好開心啦.

三層肉拼素鵝, 哈哈, 超迷係燒肉, 一寸丁方, 以前同朋友嚟食都係咁.  但每仁份少少地又幾好

清湯燉遼參, 的湯真係好清...

鮑魚拌鵝掌, 食到呢到我已經咁上下

跟著上黃油蟹, 食了蟹蓋, 半隻蟹身, 另一半分埋比型爸

型爸呢隻睇落唔係好多膏, 但佢話隻蟹蓋頂哂膏架.

我呢隻一睇已經頂哂膏.

呢個原來係香煎大蝦跟天使麵, 哈哈, 味道ok, 但有的不倫不類.    我好夠了, 跟著送嚟嘅, 全部都分咗一半比型爸, 今餐真係辛苦佢啦.

咁多樣呢碟菜係最大碟又最好味架!  讚!  不過都係要分一半比型爸

最後係甜品雪糕楊枝金露, 一半比型爸.

水果, 食唔到啦, 型爸來吧!

哈哈, 型爸今晚食咗份半呀, 不過因為無飯麵 (那兩口天使麵不算什麼), 都唔係好辛苦佢啫.

堆單加一HK$1474. 

雖然個胃唔食得太多, 但都食得好開心呀!