惹味小菜 - 小廚知味.

August 21, 2014, Thursday

連續兩個晚上食了猫山王, 個胃真係舒服好多, 個人都輕鬆的.

星期四晚, 又係我同型爸出去撐檯腳時間, 個口好淡, 想要食好濃味嘅野, 型爸話唔使諗, 繼續去小廚知味.   我地好少可連去同一地方都覺得唔厭, 濃味但係唔係好多味精, 食完唔會要狂飲水.

今天要了雙腩煲, 魚腩加火腩, 好惹味, 好送飯.

型爸要了口水雞

口水雞配一碗油飯, 型爸very like, 但我怕油膩, 只叮了一湯匙

另外再叫了一款風沙排骨.  三碟送都係好惹味.

我唔食得幾多, 但只要的餸濃味, 蓋過哂的食藥後口淡淡嘅感覺, 就食得開心就得. 

咁多餸, 我地跟本食唔哂,  碟風沙排骨要打包呀!

食完去超市想買榴槤, 不過買唔到, 超市有榴槤賣, 但負責嘅阿姐收咗工, 我唔識揀呀. 無得買添.

超市門口竟然撞到六號屋靚太同女兒, 佢地剛買完野.   相請不如偶遇, 可以順路送佢一齊返屋企.   佢地買野可以攞免費泊車,   變咗我地有免費泊車, 啱哂!