星期天的晚餐

October 11, 2015, Sunday

今日行完山返到屋企都已經下午三點.  雖然話行吓食吓, 都唔好話唔攰.  到梳洗完畢敷個mask都已經四五點.

本來今晚型爸又想打邊爐, 被我一口拒絕....遲的先打啦...秋冬將至, 大把機會(自從去川婆婆食咗個辣到肚痛嘅火鍋, 我暫時都唔想打邊爐呀!)

只要我响屋企, Cindy就會問我今晚煮咩好....但我今晚唔想煮呢... 好啦, 我提議一個餸, 其他佢諗啦.   提議都係口述, 講比佢知點煮, 跟著就唔理啦.

哈哈, 咁煮咗出嚟, 梗係同我想要嘅有出入啦.  不過都係一碟餸, 無傷大雅.   潤腸蘭段梅菜炒埋一齊(欠咗個茨呀!) 再鋪上蒸好嘅豆腐上面.   雖然唔係我心水, 但味道ok.   下次我親自出馬....型爸話的豆腐要細粒的....ok ok, 下次先啦.

仲有豬肩胛

雲腿上湯娃娃菜

鹹蛋節瓜肉片湯

三餸一湯, ok啦, 好過出街食呀!