September 27, 2015, Sunday, 中秋夜
中秋節真係一個開心嘅日子. 一家人開開心心食飯, 的小朋友玩瑩光捧, 燈籠, 個個都咁開心.
奶奶家平時好少飲烈酒, 但型爸就帶咗枝山岐18年同兄長同姪仔飲番杯. 其實我唔贊成架, 唔應該教的後一輩飲烈酒, 但型爸話咁多人大家少少啫.
呢枝山岐18年, 呢兩次去日本都買唔到, 以前在機場賣JPY16,500, 但現在比國內同胞買到斷市.
山岐改咗包裝, 同樣18年, 現賣JPY50,000. 哈哈, 咁嘅價錢, 有好多酒選擇, 唔使一家買呢款酒呢!
我整的兩個冷盤, 其中一款就係麻醬青瓜手撕雞
而另下一款就係緬甸式涼拌蕃茄. 天氣熱, 兩款涼拌菜都好搶手, 佢地話好好味呀!
二嬸母煮了栗子冬菰炆腩肉
大伯煮了三個小菜. 蒜頭豆豉南瓜蒸豬軟骨
欖菜肉碎四季豆
臘腸蘭段肉碎拌豆腐
而奶奶叫工人姐姐煮咗白切雞 (同我在哥哥家食嘅相差實在太遠啦)
無咩味嘅蘿蔔炆鴨掌
髮菜炆豬手
羅漢齋
燒肉
根著仲有的冬菰生菜, 蕃茄煮多, 栗米煎魚餅, 結果又二十幾碟. 老人家, 叫咗佢唔好煮咁多, 但永遠你有你講, 佢有佢唔聰.
食完晚飯就到生果餐
樣樣生果都咁甜呀!
姪女婿又整咗新款甜品
呢款豆糕好花時間喎.
跟著仲要切的月餅一齊食.
就係咁嘻嘻哈哈, 切的又食的, 咁的後生仔先會幫手食咁的月餅呀!
又一個開心快樂的家庭聚會.
沒有留言:
張貼留言