川婆婆九官格火鍋

October 2, 2015, Friday

上星期同麻煩鬼去川婆婆食麻辣粉, 覺得幾好味.  對重慶九宮格火鍋好有興趣, 咁返去同型爸講, 型爸話即刻去試.

哈, 平時經過咁多次都唔覺, 可能日間陽光底下唔覺, 原來川婆婆外餐廳外場, 油上的辣椒的圖案...咁紅色, 都無留意.


型爸早到, 佢叫咗碟蒜泥白肉, 好多蒜頭, 我同型爸都鍾意, 好味.   有的特別嘅係的白肉入面捲著一片青瓜, 咁食落去無咁膩, 呢樣要學呀!   不過在家整蒜泥白肉, 的肉始終無法切得咁薄.


隨了蒜泥白肉, 嗰蒜招牌冷麵口水雞都好似好正....哈哈, 唔好再睇的小菜餐牌, 今日要食火鍋呀!

 
付應比咗張紙, 叫我地在上面畫....吓, 彩色....成本咪好重...唔畫落去, 就咁點咪慳的囉.

 
 侍應話唔嘥啦, 咁畫就畫啦.

 
有好多種湯底選擇, 咁我地都係選九官格啦.


上次同麻煩鬼傾, 呢個九官格係點呢?  會唔會係九個格都有不同辣呢.....梗係唔會, 平時食鴛鴦鍋都知啦, 一滾起, 的湯就會混埋, 睇吓個鍋每格都有孔互通.    叫時我地唔敢要咁辣, 就話要BB辣啦.   點知收銀的女士話BB辣唔夠味架, 最少都要叫少辣.  咁少辣就少辣...但湯底送到嚟, 湯面都係全紅色.

 
跟著送上前菜小食, 呢個凍茄子又幾好味喎


型爸問咁有無調味, 需唔需要另外收費.   付應話唔會另外收費.  佢話最正宗嘅食法只需要落麻油加蒜頭或者再加點豉油, 無需加辣, 因為湯底已經好辣.    (不過返到屋企睇張單, 原來收咗我地每位HK$15)

跟著我們要的火鍋配料, 逐一送上.

 
牛舌, 只有八片, 仲係一片起雙飛

 
跟著係牛黃喉, 又係得8片

要咗一份牛肉(中size).

要了一份韮菜餃, 哈, 又係用前西餐廳盛蝸牛嘅碟上


仲有皇帝菜

咁究竟呢個九官格火鍋有咩作用....哈哈, 佢最大嘅作用只係分開的野食嚟焯, 又或者有四個人, 每一格焯自己食嘅野, 咁就唔使周圍搵.   不過焯菜就有問題, 焯多幾條的話, 都要塞落一格入面.

如果焯呢的著粉就有格分開都無用, 因為會响個底走咗去隔離.

不過越食越辣, 少辣都攪唔掂, 肉類辣都還可以, 但食辣菜真係唔掂,  最後要叫佢地用勺將面的辣油盡量取走, 加清豬骨湯 (但仍好辣), 最後要佢地再比豬骨湯我地要嚟洗焯好嘅辣菜.  洗哂的辣椒先敢食.

我地覺得呢道嘅火鍋麻麻, 最主打嘅牛肉, 仲話係牛脊, 但好瘦好韌, 我地平時自己買的手切牛肉好食好多.  牛后無味, 仲只得幾片.   韮菜餃好腍, 食落去粉粉地, 灣仔碼頭急凍嘅好食過佢.  再加上咁辣, 食到後期舌頭都無味.

我見到佢地都有的生意, 久不久有新客, 亦都係有的經常幫襯, 好多都講普通話.  呢道的辣可能夠正宗.

 
埋單HK$619, 三碟牛打咗六九折及無加人, 如果唔係仲貴呀!

我同型爸都覺得下次嚟都只會叫小菜, 唔會再食火鍋呢.  

返到屋企, 我同型爸都肚痛咗兩日, 真係太辣啦.