明太子豬骨湯拉麵+蝦肉煎餃

October 4, 2015, Sunday

上次食明太子就配冷烏冬, 但今日想食熱麵喎.


八號部屋送咗包手延麵比我, 今日木整嚟食先


二公子返咗工, 只得我同型爸及Cindy三個人, 煮三札就夠啦.


上次剩底咗一包豬骨湯底, 就用嚟做湯

煮緊麵時, 另一邊箱就煎餃子.  上次嘅什菜煎餃幾好味. 今次呢款係蝦肉餃子呀!

教Cindy無需落油, 急凍餃子放落平底鑊煎一分鐘先加水.   點知Cindy聽的唔聽的, 的餃子一放落去未煎就加水...唉, 個底未煎一加水就腍, 咁的餃子咪會穿底... 攪到我要快手倒哂的水再煎.

不過已經有兩三隻穿穿地底啦.

幸好都救番好隻, 都係要親自出碼煎自得, 個底煎得幾靚架.

煮好嘅麵加上明太子

我唔想的明太子散哂落的湯, 咁就夾的加上的麵....

又可以食明太子餃子

的麵夾上嚟撈勻的明太子又得.

總言之, 鍾意食明太子嘅就一定得.

不過的呢款餃子唔得喎, 好重味精....不愧為Ajinomoto (味之素)出品.   上次食嘅素菜餃子無咁重味精好好多.  不過都唔會再買呢隻牌子.    食來食去都係灣仔碼頭嘅餃子勝出....除非自己包啦.