鴛鴦扒餐

October 17, 2015, Saturday

平時Cindy好少星期六放假, 但今日佢要求調假去投票. 佢話要去投昂山素姬一票呀!  咁大日子, 梗要放佢假.

今日我好忙呀, 除了要攪掂兩餐, 下午仲要帶埋兩隻狗狗去上堂.   呢兩隻野好黐人, 唔敢嘗試獨留佢地在家中.

平時下午只要烚的菜煮個麵就可以, 但今日雪櫃連菜都無, 又無時間出去買, 咁型爸話不如食牛扒啦. 哈哈, 咁就最好啦, 有咩野容易得過食牛扒.    一早就拎的的牛扒解凍, 咦, 打開冰櫃, 响Cycon賣咗幾塊黑毛豬扒都未食, 不如嚟個鴛鴦扒餐啦....黑安格斯西冷+西班牙黑毛豬扒.

响Ikea買咗盒leek pie, 就用嚟做配菜啦.

用最懶的方法, 今日嚟一鑊焗

牛扒同豬扒放入平底鑊每面煎一分鐘

預熱焗爐200度

將leek pie, 牛扒豬扒放在焗盤

其實牛扒只需焗10分鐘, 但我懶, 費事5分鐘拎的牛扒出嚟, 同其他一齊焗15分鐘先出爐

攪掂啦. 拎開的leek pie

將錫紙蓋著牛扒豬扒, 靜止5-8分鐘

呢個時候先食個leek pie先.  不過呢款leek pie, 唔難食又唔係好好食咁啦.

食得啦!

的牛扒焗多咗5分鐘, 過熟呀, 我ok 但型爸鐘意食生的.   好彩的牛扒靚, 熟咗都唔會韌, 加的海鹽黑胡椒都好好味.

但最估唔到係執西班牙黑毛豬扒, 無調味, 無揼鬆, 但咬落去竟然鬆軟過件西冷, 又係落的海鹽同黑胡椒就得.

 
今日飲品, 鮮奶一杯

我同型爸的午餐...一鑊焗的鴛鴦扒餐.