牛肉餅担担麵

September 30, 2015, Wednesday

中秋星六,日, 一, 放咗三日假, 只返了兩日工, 明天又係假期.   今日本來好開心,但型爸晚上約了朋友, 二公子又要上課, 晚餐就只得我一個, 打了點折扣.

Cindy好聰明呀, 一知道只有我一個吃晚飯, 雖然煲了湯, 但就唔煮餸.  

我一返到屋企, 佢就攞包担担麵出嚟, mom, 我地今晚食呢的麵好唔好呀!   哈哈, 都拎咗出嚟, 唔通話唔好咩.

連配料都幫我諗埋, 林老闆從潮汕買回來的牛肉餅

再焯幾條芥蘭

牛肉餅担担麵, 我的晚餐.

食完晚餐又要預備同Whisky仔搏鬥, 佢肚痾仲未攪掂, 要食杜虫藥, 消炎藥, 抗生素. 藥丸都仲可以處理, 藥水就無兩個人都攪佢唔掂, 要食足兩星期, 真係傷感情,  監佢食藥傷感情, 我地個荷包都好傷.