明太子冷烏冬

October 1, 2015, Thursday

十月一日國慶假期, 行山組無約去行山, 因為組長今日好忙, 有重要事做.  我地今晚有聚會, 佢一定要攪掂的野我地今晚就會食得好開心架啦!

唔去行山, 午餐我就搵的野攪攪

上次响日本買咗明太子返嚟, 放咗落冰格差的唔記得.   今日拎出嚟解凍, 整明太子烏冬

用湯匙將明太子從腸衣刮出來, 腸衣唔要

 
急凍讚岐烏冬, 煮幾分鐘至喜愛的軟度

 
隔去水份

加冰降溫

我屋企無冷麵汁, 用日本豉油調稀成冷麵汁

烏冬加上明太子跟著再加的汁, 就係咁簡單.  食落味道都ok , 但預備咗好多明太子, 食吓又加的食吓又加的....哈哈, 食食吓覺得鹹咗的.  

一路食一路諗起當日响東京歌舞伎仃街食嗰碗大盛冷烏冬....咁佢嗰碗係好味過我呢碗嘅.

整杯飲品解解鹹...粒粒蘆薈青提子汁.    唔.....呢款無蘆薈小麥草咁好飲呢!