日式飯團

September 25, 2015, Friday night

今日Cindy放假, 型爸又約咗朋友. 我又要加班.   八點幾二公子返到屋企我都未返到.  返到屋企唔想出去食, 摷吓雪櫃, 有咩就食咩啦.

响日本機場買咗幾個日本飯團, 放咗入雪櫃差的唔記得食.  呢的飯團, 我都係第一次買,
 今晚就同二公食咗佢.  

有四款口味, 我要了辛子明太子同真昆布

打開睇吓, 又幾好喎, 原來包紫菜係獨立包裝, 唔黐著的飯, 咁就唔會腍啦.  因為個飯團放咗入雪櫃, 的飯好硬, 咁我將嚿飯團放入微泳爐叮一分鐘... 個飯團即刻熱哂, 要抖一抖先可以用紫菜包.

 
塊紫菜已經有摺痕, 跟著包就成個三角型咁

 

咁淨係食飯團都唔得架, 的日本人又飯又麵.  咁我又煮多碗麵囉.

 
飯團雞湯麵餐..... 阿仔真係唔好意思啦, 阿媽忙, 無時間, 食著呢的頂檔啦.

 
 嚿昆布飯團都幾好味, 入面好多餡.

辛子明太子就淡的, 得好少明太.

至於二公子嗰兩個飯團我就唔知咩野味啦, 我煮好麵佢已經食完.

兩個飯團加碗麵, 好飽呀!  哈哈, 全部都係澱粉質....又係喎, 做咩唔記得加的腸呀丸呀落去....呢幾日真係做到暈咗.