緬甸雞沙律

October 4, 2015, Sunday

除了整煎豬腩生菜包, 仲叫Cindy整咗一個開胃的緬甸式雞沙律


用咗兩隻大雞髀, 蒸熟手撕 (其實一隻雞髀或雞扒已經足夠)

6-8粒紅蔥頭, 一隻青瓜切絲.

將部份紅蔥頭絲炸脆

要小心睇火, 好易燶架.

調味: 一個檸檬汁 (睇份量要唔要落哂), 魚露, 炸完紅蔥頭絲的油(一兩匙夠了, 剩低的可以留起, 無需全部落哂)

先將雞絲, 青瓜絲, 紅蔥頭絲, 加調味, 先拌勻.   試味.  調一個自己喜歡的味道, 想酸的咪加多的檸檬汁, 鹹的就加多的魚露或鹽.

跟著加入芫莤, 辣椒粒

食前先加上炸脆了的紅蔥頭絲.   食時拌勻即可.

呢個青瓜雞沙律味道好清新, 好好味呀!    下次我會放多的青瓜, 一隻雞髀肉就夠啦.

呢的醬汁好健康(比起平時整嘅麻醬手撕雞), 都算係健康食品.