蝦醬炸菜麵筋蒸豬頸肉

October 1, 2015, Thursday

今晚有聚會, 我預備整兩個小食, 兩個熱葷.   其中一個熱葷就係蝦醬炸菜麵筋蒸豬頸肉啦.

買咗兩塊厚厚大大的豬頸肉回來, 洗淨斜切成薄薄的一片片. 

用三湯匙蝦醬, 加少許水溶開, 加入豬頸肉撈勻, 跟著放入雪櫃醃大約三至四小時.

 呢款蝦醬, 响泰國買返嚟, 而家香港好多地方都有得賣.

麵筋洗淨一開二

平放入焗盤, 跟著鋪上醃好的豬頸肉

睇吓我鋪得幾靚.  最後在上面加上即食炸菜.   入蒸爐蒜18分鐘.

蒸好後拿出來, 試試味...唔, OK, 不會太鹹 (我沒有加鹽)

 

 為了惹味的, 我整了一個甜豉油加上去....再試味...唔....Perfect...可以出發行過去組長屋企啦.