緬甸咖哩湯麵

January 24, 2016, Sunday

嘩嘩嘩嘩!好凍呀!

晨早只得四度, 但我地郊區, 可能只我一度兩度.  又凍又有的雨, 組長問我地意見, 型爸話我氣管炎未好, 不如停一次啦 (佢驚我行到山上條氣管更加頂唔著).  組長話好啦, 大家瞓多陣, 休息一天啦.

其實醒咗又點會瞓多陣吖, 不過天氣咁凍, 瞓响個被窩入面, 梗係好舒服啦.   不過聽到的新聞就唔係覺得好舒服, 有咁多人被困大帽山, 要的消防員行咁遠去拯救,  仲有咁多人想上山.


我地唔使去大巾帽山呀!  我地室外就有啦.  陶媽後園地上滿是冰粒.

組長後園玻璃上都係冰粒.

佢架車上嘅擋風玻璃都結咗冰呀!  咁仲使咩上大帽山吖.   哈哈, 佢地post的相比我, 咁我唔使去後園啦.

今日天氣好凍, 但個心好溫暖呀!  當我下午諗著唔知食咩好, Cindy就話, 太太今日係Mother's day, 我會煮緬甸咖哩麵比妳食呀!   哦!  唔講真係唔知呀!   Mother's Day, 佢整比我食, 真係有心, 個心好暖呀!

呢碗就係咖喱雞湯, 入面有椰汁, 鷹咀豆粉, 但係點煮我就無問啦, 下次同佢一齊整先問啦.

的麵就用咗韓國拉麵(黃色包裝, 平時用嚟食火鍋嗰款拉麵)

仲有呢的配菜

仲炸定的薄脆

齊哂可以食啦.

同印尼一樣, 佢地食麵又係好鍾意加半隻蛋架.  只要加的咖喱雞湯落去就食得啦.

非常好味, 我同型爸都食到津津有味.

我叫Cindy都要食多的, 因為佢都係媽媽嚟架.   我同佢講今日係Mother's Day, 今晚唔使佢煮飯, 我地出去食.