好菜館

January 30, 2016, Saturday

今日又有約會, 係同型爸的舊同學食晚飯

 
因為其中一位同學開咗呢間好蔡館, 今次又嚟呢間

我同型爸最早到, 今日無包場, 見到有其他食客.   我地今次只有十幾人, 咁無理由包場咁浪費.

有時間就睇吓呢道的餐牌, 當時真係係有的餓, 真係想叫的野食.... 最後叫佢地蒸的茶果...

呢, 餐牌最後一頁, 就係可訂私房菜

等咗好耐的茶果先嚟, 其他同學已經到齊, 咁就每人食一年啦.

第一味餸到啦..冬菰炆豬手

的豬手好腍, 但係我覺得的汁好鹹呀!

Fusion 菜, 中式餐, 西式湯.  白蘆筍蘑菇湯

鮮菠蘿雲耳炒鹹肉

油鹽焗蟹

清蒸鯧魚, 條魚太厚身, 第一次中間有的唔熟, 要翻蒸... 的魚一翻蒸就失哂真

潮式蜆仔肉飯, 呢個飯又好淡無咩味

甜品, 桃膠苧泥, 呢個甜品都幾好味.  主人家話的桃膠有的難搵, 唔識人好易買到假野...呢樣我真係唔識啦.

今日我地有九個大人兩個小朋友, 只有四餸一湯一飯一甜品, 每碟餸碟頭好大, 雖然都夠食, 但我覺得應該要多一兩個餸囉.

對今日嘅餸, 有的失望, 無一樣覺得特別好味.   熟人整得唔好都唔好意思出聲.  下次聚會要去第二間試吓先得啦.