粟子炆芋頭

February 8, 2016, Monday

今日整咗咩野齋菜去奶奶屋企呢?  就係芋頭炆粟子啦.

 
買咗四個大芋頭, 用咗三個整芋頭糕, 剩下一個用嚟炆粟子,   芋頭先走走油, 我唔敢落咁多油, 都係少少油咋.

 
 呢的栗子真空包裝, 買番嚟已經剝咗殼, 真係慳唔少時間呀!

 
啱啱仲有一大磚南乳, 見介有的汁落埋去啦.

 
 的芋頭好靚, 炆十幾分鐘就腍. 落埋的南乳汁好似太多, 鹹咗的, 落番少少糖和一吓.  跟著加的椰汁

咁就似樣好多啦.

 

 放入食物盒, 一陣去到奶奶屋企, 用微波爐翻熱就可以啦.

點知去到奶奶屋企, 奶奶買咗多款齋菜, 都唔使食我地整嗰的.  咁留番晚飯先食.

奶奶今日坐天食齊, 佢一早整定哂.

至於我地, 都係食昨晚的差不多.   奶奶真好野, 買餸買兩份, 一份昨晚煮咗.   今日工人姐姐同三嬸母, 又係煮昨晚的餸出嚟.

哈哈, 都有一兩樣餸昨晚無食過嘅.    其實食咩都無所謂, 最緊要係一家人一齊, 平平安安, 開開心心, 高高興興.