谷埔鳳坑 + 松記海鮮

Jan 31, 2016, Sunday

上星期無行山, 今日梗係要出動啦.   天氣有的冷, 但比起上星期, this is nothing.

天文台話今日會下雨, 我地行短程落雨路, 安全第一

自去觀音廟拜神, 跟著就開始行谷埔鳳坑....  行咗無耐, 見到有一隊穿著迷彩服嘅警察, 佢地問我地有無見過十幾二十個, 有大人細路嘅人.   我地話有呀, 佢地行咗上去那條行山徑.  那些警察話已經有另一隊人上去阻截, 嗰的全部都係非法入境者.

我翻睇的相, 呢, 呢幾個就係.  當並時我地都覺得奇怪, 我地頗早出發, 好少行山人士會迎面而來, 就算係行山人士, 大家都會打個招呼叫聲早晨, 但呢的人好快咁擦身而過, 望都唔望我地.
的警察話如果再見到可疑人士, 要即刻報警.

我地今日唔敢分開行, 大家一齊行安全的 (有時我地會個別行快的, 一的行得慢的)

今日的牛牛唔攔路啦, 隻隻在草地休息.   不過我地經過一條水渠邊, 見到一隻小牛屍體, 唔知會唔會上個星期咁凍凍死呢...唉, 大自然就係咁架啦.

嚟到呢道, 組長又有主意, 佢話我地由呢道兜一個圈出到去宋伯士多, 再行返嚟食海鮮....哈哈, 又好啫.

 

 今日松記無咩人, 佢話亦未有人訂檯, 咁我地樂意幫襯啦.

 

呢道又好似拆過平整過, 可能政府唔比佢响空地搭棚

 

 第一次見松記有餐牌

的假錢都唔平架, 但又唔係貴得好利害

真係估唔到, 呢道有好多德國啤酒, 我地選了4枝.  不過我氣管唔得, 啱啱先好番的, 唔敢飲呀!

蒸蜆

白切雞

白焯蝦

炒芥蘭

煙肉豆卜炒椰菜

蒸黑海腊, 好味

馬拉盞炒飯

牛筋腩煲

豉油皇炒麵

煎蠔餅

八個人叫咗十碟野....呢班友仔, 究竟係行山定係食海鮮, 午餐之麻, 又飲啤酒...真係太過份.

哈哈, 食得開心咪得囉, 咁就食咗一千六百幾文...

記漏咗添, 頭先响宋佰士多, 每人食咗碗豆腐花先食海鮮呀....