上水廣場上海婆婆

February 5, 2016, Friday

今日真係好忙, 返埋今日就開始農曆新年假期, 工作食然排山倒海,  我地要放農曆年假, 但係的鬼佬唔放假, 要覆嘅盡量覆啦, 做到六點幾, 真係要放工啦.

Cindy放假, 我都唔想煮, 出去食啦.  二公子放假, 佢提議去上水廣場食上海野, 又好啦.

我地去到都八點幾, 滿座要等位.   侍應話好快有位, 叫我地唔好行開. 我地等咗大約十分鐘就有位啦.

要咗小籠包, 但係入面的肉唔得呀, 好似打到肉醬咁, 點會好食呢!

好耐都無食過嘅炒鱔糊, 呢碟ok呀!

炸菜肉碎配义子燒餅

呢碟蟹粉炒年糕真係搵笨, 落的咖哩粉定黃薑粉炒到黃色, 根著有幾粒蟹黃, HK$112, 碟頭細, 我地四個人, 每人只得十條八條年糕.

雪菜炒粉皮

雞餵麵, 又係好細碗

奶油津白, 呢碟似烚菜, 無上海嘅味道.

等到天荒地老先送到嚟嘅樟茶鴨

我地四個人, 要叫八樣野先夠食, 埋單HK$678.   的野唔係好貴, 但碟頭細, 咁咪要叫多幾碟囉.

食物質素一般, 但呢道附近好似無上海餐廳, 獨市, 好多人幫襯.