秋田鐵板燒

January 26, 2016, Tuesday

今日係型爸正日生日(型爸好人緣, 佢已經食足幾日啦), 問佢鍾意食咩, 佢話不如去秋田啦.  哈哈, 二公子今日請食飯, 呢間似貴咗的.   但型爸生日, 佢鍾意食咩就食咩啦.  二公子都話無所謂, 佢話如果太貴就同我兩份啦.  咁我一家會全力支持啦.

今日係星期二, 閒日, 人唔係太多, 已經訂咗位, 去1/F食鐵板燒

型爸二公子先到, 佢地揀咗個menu, 鮮九孔鮑魚, 龍蝦, 鵝肝多士. 樣樣都係二公子喜歡, 咁當然型爸都喜歡啦, 總之佢兩個開心, 我就開心啦.

開胃前菜

汾律

廚師開始焗蛋啦

跟著就煮鮑魚

隻龍蝦仲郁架

的多焗好, 加咗的黑魚子在上面

鮑魚龍蝦一齊煎

鮑魚先上, 好味, 型爸問佢要咗的蒜片

龍蝦一樣好味

跟著叫我拎定相機, 佢要燒個龍蝦頭

 
燒完個龍蝦頭拎去煮湯呀!

跟著輪到鵝肝多士.   不過佢有的失手, 食落有的冰.  佢馬上叫我地放低, 再煎過比我地.

跟著就係牛肉薄燒, 我唔使食咁多, 兩塊夠啦.  其他的比佢兩仔爺啦.

龍蝦湯到啦.

跟著炒菜

然後就到廚師玩野啦, 問我地想砌的咩野公仔, 二公子話三眼仔啦.

跟著就玩飛蛋

哈哈, 佢失敗了兩次, 不過我地繼續鼓勵佢, 再嚟過

第三次就得啦, 隻蛋飛咗落把鏟刀上, 佢將蛋白流出

用蛋黃嚟寫字, 咁落力攪氣氛, 型爸識做醒醒佢啦.

跟著炒飯啦.

咁大碗, 我食唔哂呀!

跟著整甜品

豆沙餅, 司傅話的豆沙都係自家整架

每人一件

都幾好味.  除咗豆湯餅, 仲有雪糕.   問我要唔要食多個雪糕, 唔好啦, 我仲咳緊.

埋單二千幾文, 唔係好貴啫, 哈哈, 二公子攪掂.

呢間秋田, 有旅發局優質標誌架.

一家人好開心, 但我又掛著大公子啦.  一返到屋企, 就收到大公子whatsapp 比型爸...佢地嗰邊慢十三個鐘呀!