人日+ 情人節

February 14, 2016, 年初七加情人節

 
昨日咁多客人, 做足十幾個鐘, 今早唔去行山, 在家休息.   瞓醒都仲係痛, 即刻去天王按摩椅按吓, 唔覺唔覺都按咗個幾兩個鐘.

整個早上hea 吓 hea 吓, 昨天有豬扒剩, 下午就整個黑椒豬扒炒烏冬做午餐.  但今晚係情人節, 點都要同型爸慶祝

二公子今晚約咗女朋友出去食飯, 只有我同型爸, 兩個人, 好影攪啫.

蘑菇湯, 煎羊架, 白汁意粉, 咁咪得囉.   哈哈, 點知大約六點, 林太問我食咩, 我話比佢聽, 我可以煮多的預埋佢一家, 點知佢話啱啱叫咗pizza, 想叫埋我地一齊食....哈哈, 真係好嘅啫, 我話我照煮拎過去一齊食, 佢話煎羊架好啦, 唔使煮意粉, 唔係食唔哂.   咁又好啫.

我有12枝羊架, 比咗2枝Cindy, 我同型爸好肚餓, 食咗2皮, 仲有8枝拎過去.

pizza到

仲有意粉, 飯同葡汁焗四蔬.

我仲帶咗呢盒情人節朱古力威化

我地兩家人, 都過咗一個開心的情人節.