大年初一, 通常都只係去奶奶屋企拜年. 但組長邀請, 為食型爸又好想, 咁就攪到我忙到甩轆. 我地十二點要出門去奶奶家, 要先去組長屋企, 就要十一點出發, 亦即係話我要十一點前做好哂的野 (焗年糕, 焗腰果, 煮一味齋菜), 仲要化埋妝換埋衫....rush...都攪得掂.
咁趕做咩, 就係為咗豐衣足食. 昨天行山, 組長話大年初一煲海鮮粥, 炒油麵, 邀請我地一齊食, 型爸聽到流口水, 我已經推辭話十二點出門去奶奶屋企, 點知組長話十一點食就我們, 咁樣唔去都唔好意思啦.
拎一底蘿蔔糕, 一底芋頭糕, 半底剛焗好嘅年糕, 仲有腰果, 咁就去拜年啦...哈哈, 全部拌手禮都係自家製, 好矜貴呀! (哈哈, 自己覺得矜貴咋)
去到組長就端的粥出嚟...嘩, 碗粥鮮味無窮呀!
呢一大堆海鮮, 組長用嚟淆個海鮮湯, 再用的海鮮湯嚟煲粥
食完坐一陣就要走啦, 一點前要去到奶奶屋企, 要執好哂的野.
一底半年糕, 一底蘿蔔糕, 一底芋頭糕, 兩款齋菜. 連電煎鑊都拎埋去, 一陣要嚟煎糕方便好多呀!
沒有留言:
張貼留言