佛山兩天遊 - Day 2

January 23, 2016, Saturday

昨晚瞓得好好, 不過的咳都仲未好. 天氣又凍, 條氣管唔係好頂得著呀!  已經用條大頸巾包著條頸架啦.

我地八點幾就checkout, 個大堂無咩人.  雖然無咩人, 但竟然見到有的人帶埋的小朋友一齊嚟, 哈哈, 唔係咁早晨吖麻.

型爸的朋友開車嚟接我地飲茶

的點心都唔錯呀! 樣樣都幾好味.

飲完茶, 型爸嘅朋友提議去睇樓, 哈, 又好, 都係湊吓興, 睇吓佛山的樓盤係點.

呢的單位大部份都係三十幾平方(即三百幾尺), 幾款都係studio型式, 好細呀! 唔似平時嘅樓款, 只有一款係兩房單位.  可能呢的又係比的年青人易的上車.   型爸嘅朋友想買嚟投資, 問我有無興趣...  哈哈, 唔好講笑啦.

睇咗個幾鐘, 又話去食飯啦.

 
今次食燒雞

 

呢間高佬燒雞, 係一間好大嘅排檔, 不過都好乾淨企理

一樣有海鮮

有蛇食

呢道的價錢平好多, 今日我唔想食咁補啦, 四個人清清地得啦

呢隻燒雞, 只不過係RMB50

型爸切咗隻雞髀比我, 又幾好味喎.

嘩! 碟蒜蓉蒸勝瓜, 使唔使咁大碟呀!

我要嘅煎釀豆腐, 的豆腐好滑

蒸蔥蒸邊魚, 又係好滑呀!

四個人, 好努力都食唔哂, 條魚最後先嚟, 仍雖繼續努力食呀!

食完我地要走啦, 今次上嚟兩日都係不停咁食呀!

型爸朋友的太太好客氣, 送了兩底糕加一箱櫅橙比我地, 真係多謝哂!

我初時以為只係年糕同紅豆糕, 點知原來係馬蹄椰汁糕同紅豆椰汁糕, 一層一層, 唔使煎, 就咁切出嚟已經好好味.  即刻要型爸whatsapp比佢朋友讚賞一下.

我地星期五上嚟, 星期六走, 咁星期日就可以去行山啦.  加上天氣咁凍, 好想快的返屋企呀!

返到屋企, Cindy都整咗美味晚餐

 椒鹽小黃魚

 蒜頭豆豉辣椒蒸排骨, 哈哈, 佢用咗的雞髀菇墊底, 都ok喎.

 清炒椰菜

 雪耳薏米螺頭湯

 共實我家嘅幾餸一湯都唔錯吖.