佛山兩天遊 - Day 1

January 22, 2016, Friday

上星期五請咗半日假, 連埋星期六日去咗汕尾三天遊, 返到嚟係咁咳. 中咗招, 星期即刻睇醫生, 咳幾咳變氣管炎.   但工作太忙, 日日加班做到傻咗, 病假都唔請得, 大多野跟, 不可以假手他人, 死頂啦.   趕咗四日, 今日要請假啦, 因為應承了型爸, 陪他上佛山呀!

上星期汕尾, 今個星期佛山, 一早應承咗無諗到自己會病加麻, 點都要去啦.  都係飲飲食食, 當係輕鬆吓啦.

無限時間, 我地早上十點先由家裡出發, 到深圳後轉乘和諧號去廣場東.  我們買了11:16分班車, 現在買車票, 要實名登記.   但型爸唔想等, 上咗早一班車

佢話只要去餐廳個卡坐低, 食的野就可以坐哂坐程, 一定有位,  餐廳入面嘅卡塵, 非常寬敞舒適.

 
  
侍應小姐比個餐牌, 型爸話都唔使睇, 佢話十問九都係無呀!

型爸話呢款醬汁排骨套餐幾好味, 咁就叫呢份啦.  人仔45元

另外再叫咗一份白醬培根面, 即係白汁煙肉意粉,RMB35, 但份量好細, 型爸食咗兩啖, 就剩番咁多.   時間好快, 個幾鐘就到廣州東站.

真係超多人, 個個都行得好急, 我地去到五號閘口轉乘廣州地鐵

我地要去西朗, 再轉去千登湖, 我唔識架, 第一次嚟, 但有型爸在身邊, 佢識路朮.

 

廣州地鐵, 同香港一樣, 超多人

路線四通八達. 

到咗千登湖, 型爸嘅朋友在那邊等我們

第一時間載我們去到呢間好靚好似酒店一樣嘅地方.   哈哈, 其實呢間係水療會嚟架, 在水一方, 裝修幾靚, 佢地亦有客房提供.

型爸的朋友知我地鍾意按摩, kakakaka, 第一時間輕鬆吓先啦.

按完摩去食晚飯, 一間叫尚品酒樓

裝修都係好靚

第一樣係上湯海帶

睇吓呢碟係咩...係水律蛇嚟架

佢地教我用兩枝竹籤穿入兩邊脊中小孔, 跟著咬嚟食, 唔使用手

唔夠味可以醮的蔥油嚟食

味道都ok架.

跟著呢鍋係湯...飯鏟頭煲雞

味道好鮮甜呀!


不過的蛇肉好韌, 咬呂到呀!


仲有呢鍋燒鴨羊腩煲


呢煲真係有的奇怪, 的燒鴨都只不過斬咗放上面,  佢地話比個部長搵笨

呢碟點心話係送, 但埋單又收錢,好彩朋友太太睇單,先追番的錢

如果唔提, 間酒樓連蛇膽都攞埋.  又係要追先攞番出嚟, 佢地話個膽仲值錢過的蛇肉

主人家見我咳, 叫佢地用蛇膽燉川貝陳皮, 燉好比我飲呀!

 
主人家帶咗皮枝XO, 佢地每人飲的啦, 唔啱我啦.

型爸的朋友問我地想住酒店定係水療會, 我見水療會好靚, 就住水療會嘅商務客房

房間幾靚, 保安也很好, 坐電梯上來, 一家要有匙咭才可上來

乾淨企理

住這裡仲可以去餐廳免費飲食

呢道好似家庭遊樂中心, 好多人帶埋小朋友嚟

晚上十一時, 餐廳開始多人

夜宵時間開始, 同食自助餐無咩分別呀!

呢碟炸蕃薯蓉, 我試咗一嚿, 又幾好味喎.

夜宵都有燉湯, 蟲草花排骨雞湯.

天氣轉冷, 朋友開始sent的message嚟...佛山仲好似凍過香港呀!