青衣稻香漁港

Jan 11, 2016, Monday

今日工作繼續忙碌, 同不同的客人開會, 開會, 開會, 真係攪到有的精神分裂.  但今晚唔可以做得太夜, 因為係媽媽生日, 哥哥在青衣城訂了一圍半.

當我地到青衣城泊緊位時, 型爸已經whatsapp我, 個個人都已經到齊, 只差我咋.

 
泊好車唔係第一時間去食飯, 係去洗手間呀!   青衣城真係keep得好, 咁多年都係咁新淨, 連洗手間嘅長廊都咁靚.  以前就住喺樓上, 眨吓眼已經搬咗咁多年.

哥哥已經訂好餸, 全包宴一圍半, 我地一家同姪女坐半圍....今勻大件事, 呢檯六位入面有兩位係食素, 型爸二公子要好落力食先得啦.

半隻乳豬

珊瑚元具

雞汁花蚌浸旺菜

竹笙海皇丸子羹

酥炸廣島蠔

脆皮穗香雞

清蒸珍珠龍躉

生炒糯米飯

蠔皇鮑魚浸花膠

壽包

媽媽嗰圍就有十二個, 同媽媽影相時, 佢好開心呀!

姪女買了一個生日蛋糕, 大家影大合照好開心呀!

唔知幾時先有機會, 所有兄弟姊妹都集齊香港影一張大合照呢?