香葉泰國餐廳 - 尖沙咀

January 4, 2016, Monday

自從香葉泰國菜館開業以來午市都好好生意, 但今日好奇怪, 隨便經過, 見到有位, 咁就入去食啦.

坐低一睇餐牌, 咦, 熟口熟面, 同第一次嚟好似無咩分別喎.  睇吓睇吓, 午餐有五樣選擇, 但又好似無咩選擇咁.

最後我地分別要了:

咖喱雞飯, 同事話的咖哩汁唔錯

慢摩摩要了豬手飯, 的豬手無骨, 的皮爽而不膩

我要了海南雞飯, 都幾好吖

麻煩鬼要了泰式炒粉絲, 呢個炒粉絲味道帶點酸甜, 唔係我地喜歡嘅味道.

五款午餐, 我地要了四款, 而我地無叫嘅係美國炒飯

每人仲有飲品一杯

其實的野食都幾好, 但我開始明白點解的人會少咗咁多.  因為餐牌無轉, 每天都係同一個餐牌, 的人好快食厭了.  其實呢道都有湯河湯麵, 但同午餐一樣價錢, 要HK$58再加一, 咁六十幾文一碗粉麵, 的人食一兩次就唔會再食啦.  

四個午餐, 每位HK$62.

睇嚟呢間餐廳要keep住的生意要變招先得啦, 唔係的生意越來越跌咁就麻煩啦.

對於我地嚟講, 咪一個月食一次或兩次囉.