泰國廚房

December 27, 2015, Sunday

今天行完山, 相約組長兩夫婦晚上出去食飯.   怎知組長突然有客到, 唔能夠出去食, 咁組長夫人就由我地嚟照顧啦.

加多一個行山組員, 型爸就要陪三位美婦食晚飯啦.  哈哈, 仲要管接管送呀!

 

打電話去泰國廚房訂位, 要我地一係六點半, 一係八點半...最憎係咁.  六點半咁早, 八點半咁夜.

型爸話打去時任佢揀兩個時間, 佢覺得唔會滿座囉, 決定早的去, 七點鐘都開始有的餓.  七點九去到...哼哼哼, 幾張吉檯任坐呀!

同組長夫人傾開, 原來大家去食泰國野, 都係叫類肉的餸菜, 哈哈, 咁就易辦啦.

泰式生蝦

馬拉盞炒椰菜苗


泰式拼盤

明爐烏魚

冬蔭公湯.   叫咗個細湯, 每人大半碗啦.

黃咖哩雞

配蒜蓉包...好味, Encore 再叫多一客

食吓食吓都已經好夠, 不過都好想要客甜品.

要了一客芒果糯米飯, 大家食少少啦.   好味呀!

埋單HK$813, 呢餐當然由型爸做東啦.

返到屋企都只係九點幾, 哈, 型爸見到林總, 即叫佢去屋企坐吓.   林總今天剛從歐洲回來, 買咗的芝士同德國腸回來, 即叫我地去試吓.

型爸陪佢飲少少食的芝士啦, 我已經食得好飽, 只可以坐吓, 同林太傾吓謁, 同林小弟玩吓.

哈哈, 我好輕鬆, 下星期繼續放假, 夜的瞓都無所謂.  林小弟都係呀, 平時星期日晚要好早瞓, 今日可以玩夜的都無問題呀!