Boxing Day 三爐齊出動

December 26, 2015, Saturday Night

昨天過了寧靜的聖誕日, 行吓山, 出外食晚餐, 都好舍意呀!

今日型爸那邊的家人過來, 又有得忙啦.  一早出去買好哂今晚嘅火鍋配料, 返到屋企, 整的飲品及小食就可以啦.

呢個Jar係我响西班牙帶返嚟,係咪好靚呢.    有個咁靚嘅Jar,  即訂用嚟整Sangria招呼家人啦.   我用鮮菠蘿, 火龍果,雪梨,檸檬,加咗七喜及Brandy....

 攪掂啦.  用個Ice bucket加冰保凍呀!

 
 水果酒又靚, 酒精成份低咗, 可以飲多的呀!

 跟著就係西班牙火腿.   型爸帶手套, 幫我捲起的火腿, 砌到咁靚架!

仲有西班牙買回來嘅Olive Wood board 同小义子, 羊奶芝士

 加埋bread stick

 另外仲有鵝肝醬餅干

哈哈, 佢地話食小食都飽咗一半

 睇吓今晚嘅火鍋配料, 成張餐檯都放唔哂

 

 仲有東風螺, 大蜆仲浸緊水

 

 唔煮唔煮又煮, 煮一味咁多, 買咗兩隻雞, 整咗個辣雞煲

 

 煮起個辣雞煲, 香到不得了呀!

 

 另外整一個清湯鍋, 奶奶佢地唔食辣, 呢個鍋就啱嘞.

 

另外問組長借咗個蒸鍋, 下面用生米煲粥, 上面用嚟蒸海鮮.   今日買咗好多海鮮呀!  鱔, 脆肉鯇, 九肚魚, 海蝦, 羔蟹, 大蜆, 東風螺...

 

人太多, 我地今日在戶外食, 更加有風味呀!  今次三爐齊發, 勁呀!

食到最後大家食個海鮮粥底, 超鮮味, 真係一試難忘呀!

今日我地曳曳Whisky仔, 做咗巡場林, 最後攪唔掂, 要用繩搏著呀!

 

 十個月大已經好似Loki咁大隻啦

 

 個個都話佢靚仔呀!

 睇吓佢幾心野, 好眼瞓都唔肯瞓, 坐响道咪埋眼.

今日食火鍋, 時間比較長, 食到十點幾.  不過夜的都無所謂, 明天仍是假期.

大家食得開心, 玩得開心, 跟著先開車送佢地出車站.

Party過後, 執拾都有排攪.....好攰呀!