食過番尋味之汕尾之旅 - Day 2

January 16, 2016, Saturday

昨晚八點幾先checkin, 都唔知酒店外面係點樣.  呢對面就係叫黃金海岸, 呢道的樓都起得幾靚, 不過好似個發展商走咗佬, 攞唔到房產証.

我地相約九點鐘落去食早餐, 哈哈, 水尾啦, 呢道的人晨早就落去食, 好多野食到七七八八, 我地要叫先再添加的食物.  早餐, 都係隨便食的算啦.

 

食完, 我地有行程呀, 林老闆帶我地去媽祖廟...路經一個大廣場, 好多大媽飯後嚟跳廣場舞架.  睇吓林小弟, 佢又扒蝙蝠俠呀!

呢幅場, 刻上捕贈者名單

原來呢道有個辛亥革命紀念亭

同圍參觀吓啦

 哈哈, 原來今日呢道有function

 

 
 香火好盛呀!

呢道有個全國最大嘅媽祖可像

响下面都望到可像個頭, 我地正準備行上去...點知就收到電話

另一位鄰居今早由香港上, 估唔到佢地咁早十點幾就到.  咁我地要返酒店會合佢地.

攪攪吓又到十二點, 我地又去食飯.  喺國內, 通常十二點就食午飯架.

我地去咗呢間東東飯店

又係食海鮮呀!

紙巾盒上, 有呢道地址呀!

第一碟上嘅係蒸馬鮫魚蛋

我地自備柚子酒, 型爸同林老昫要了呢款黑啤

薑蔥芹菜炒蠔

走地雞

炒蕃薯苗

炒唐萵, 嘩, 呢道炒菜勁多油, 下次要烚菜好啦.

今日主打, 苦瓜鹹酸菜煮鯊魚仔....的肉好滑喎!   以前食過的鯊魚肉好嚡, 今日呢碟煮得好好味, 仲有火熱著添呀!

的鯊魚骨全部都係白色架.

椒鹽竹尖魚

仲有呢款招牌焗盤龍鱔, 唔記得影, 不過食落太肥美, 食一嚿都已經覺得膩

食完鯋魚, 即刻去睇吓, 原來的鯊魚仔係咁樣

呢的係鰻魚

呢的先係鱔呀!

食完做的咩, 我地一齊返酒店, 自由活動, 五點鐘再集合.  有人飯後想瞓吓覺, 哈哈, 我同型爸就唔放棄呢個機會, 見到酒店對面有足浴保健, 我地又去按摩啦.

按完摩去shopping, 哈哈, 撞見另一家鄰居...睇嚟, 只有林老闆一家去覺覺豬.

五點鐘集合, 我地又出發去食啦.

我地又去海邊食海鮮, 昨晚黑麻麻, 今日就見到好多漁船, 呢道對出去就係太平洋呀!

又係幫襯呢間豐勝海鮮酒家

今日三位男士決定食咩

嘩, 前菜有生曬蝦乾用嚟送油

白焯蜆

海膽煎蛋

呢道的海膽都好出名架.

昨天食了白切雞, 今日食水晶雞

大芥菜煲, 好味呀!

什魚湯

蒸龍利魚干

先開一枝白酒, 再開枝靚紅酒

蒸花蟹

的菜心又係唔靚, 林老闆話無辦法, 地理關係, 呢道種嘅菜真係唔靚.

今日蒸咗三條魚呀, 三刀, 撻沙, 全部都係游水架

仲有呢條紅班.

五隻本地龍蝦

的龍蝦羔好正呀!

海膽炒飯, 今日人多咗, 但今日碟炒飯滯銷呀!

 

為咗呢碟花生同醃製過嘅海膽

 

我地要咗鍋白粥嚟送呀!

食到飽飽, 我地跟著去品茶

嚟到呢道品茶, 我地又買野啦...

出嚟玩唔係食就買架啦.

今日食得好夠, 唔去食甜品啦.... 返酒店休息啦.