本來今日無節目嘅, 但姑奶佢地話要嚟我地屋企, 咁即刻就變得好忙. 今晚無打算煮呀, 諗著買野食火鍋, 十幾人, 如果得我一個煮, 攰死呀! 我諗著放假輕鬆吓, 唔想煮一餐跟著要攰三呀!
下午出去買火鍋配料, 順便出去食午飯. 型爸話要食粥, 我地即刻諗起上水行市上面粥檔東莞佬呀!
上到去, 人山人海呀! 呢道有兩間粥檔, 另一間無咩人, 但呢間就爆要搵位. 咁當然係有理由嘅.
好多款粥, 任君選擇
一個套餐有粥有麵有飲品, 都只係hk$23....即叫.
豉油王炒麵
型爸要了碎牛粥, 我要了艇仔粥
兩份套餐, 每人仲有一杯飲品菊花茶.
每人hk$23, 全單hk$46
呢道的粥麵經濟抵食, 仲好有兒時風味, 我地久唔久都要嚟食吓架.
沒有留言:
張貼留言