清資

January 2, 2016, Saturday

放完九天假, 雖然好多日都好忙有所目, 但感覺上都好relax呀!  

好耐都無試過星期六返工啦, 但我好願意架, 最緊要攪掂公司的野呀.   大部份嘅客星期一就到, 好多預備工作呀!

一返到公司, 房入面嘅鐵樹又開花啦.  我12月23日放假時, 已經見到少少, 今日返嚟開到有8寸, 我諗仲會長多幾寸呀!

放咗咁多日假, 梗係多野做, 不過今日做半天就可以走啦. 

返到屋企, 整番碗緬甸魚湯河, 原來嗰日Cindy留起咗一的....嘻嘻, 隔夜嘅一樣好味.

呢排成日出去食, 雪櫃的剩餘物資, 都要清除吓啦.  今晚晚餐, 清緊的先啦.

呢的脆肉鮠腩, 食剩入咗冰櫃, 今日用梅菜嚟蒸, 蒸好灒豉油熟油, 一樣咁脆肉呀!

 
腐皮, 麵筋, 水魷&牛柏頁, 用XO醬炒埋一碟, 都好好味架.

焗雞翼

炒條菜

仲有鹹菜胡椒排骨湯

清資清資, 四餸一湯, 一樣咁好味.