2015 回顧

January 2, 2016, Saturday

由2015 12月24日開始放假, 足足放咗九天.  放假前, 完全無事先安排, 除了知道12月31日那天會同鄰居一起倒數之外, 其他日子都沒有安排節目, 但這九天基本上好忙, 無安排節目, 但總有些事情要做, 突發性飯局, 結果都一樣咁忙, 就好像過去呢一年一樣.

每年一月份頭兩個星期六都要上班, 有些同事星期天都要返工,我們都習以為常.   老闆12月24日已經多給我們一天假期, 12月31日又有有半天, 農曆新年又有兩天, 咁返兩個星期六都真係好少事.

工作 - 2015年工作壓力頗大, 希望來年頭痛事不用那麼多, 工作順利點吧!

健康 - 2015年雖有小病痛, 但小病是福, 整年都算身體健康, 平平安安.

家庭 - 好掛著大公子呀! 型爸二公子在身邊, 我們都過得開心快樂.   大公子在加國生活得很好, 希望2017年, 佢可以返嚟同我地一齊過年, 一家團聚啦.

狗狗 - 2015 家中多了一個新成員Whisky, 呢隻曳曳嚟到, 攞咗佢哥哥Loki個名,  正一破壞王, 後園及前門的植物被牠咬到七零八落, 鞋又咬爛十幾對(拖鞋佔七八對), 連大門電閘, 喇叭線都不能幸免, 現在只有十個月大, 仲有排曳, 今勻都真係有排頭痕.   但見到佢唔曳時個可愛樣, 又忍唔著繼續錫佢.   咁當然, Loki最乖, 最抵錫呀!  2016, 兩隻狗狗都要乖乖呀!

寫blog - 唉吔, 呢樣真係最難架.   希望可以每天都寫, 但每天事忙, 哈哈, 有時飲飲食食都寫唔切.  好似去咗旅行, 返嚟要寫番十幾日前嘅遊記都真係好唔容影呀!   唔覺唔覺寫咗五年幾, 都唔知會堅持寫多幾多年呢!

旅行 - 今年好爽呀!  去咗五次旅行, 三次去日本, 一次去雙牙, 加埋十一月底去了曼谷, 總共五次.  好彩十二月無安排去旅行, 唔係真係忙死啦.   十一月去了雙牙及泰國, 我已經覺得攰到不得了.   2016去旅行, 都會以東南亞為主, 都係韓國台灣越南咁啦.  短程好啦, 長程型爸唔鍾意, 離開屋企太耐會好掛心呢!

2015 唔開心嘅事全部都已經忘記了, 咁即係無唔開心啦.

2016 - Let's 開開心心的過每一天!!!!!