蒸汽火鍋

January 3, 2016, Sunday

今天行完山返到屋企無幾耐就收到組長夫人whatsapp問今晚有咩攪作.   無plan喎, 咁佢話一齊蒸汽火鍋好唔好.  我地有咩所謂.  但今日落雨濕濕行完山返嚟好攰, 唔願郁咁.  型爸話唔緊要, 佢去買咪得囉.  跟著話不如叫埋林老闆, 哈哈, your call.

結果今日由男士主理......三個小生去買餸.   買完返嚟, 就交比我地個廚房啦.  哈哈, 副組長同佢夫人又whatsapp組長今晚一齊飲湯,  咁就邀請埋佢地兩個啦.

先攞的送酒小食比型爸同林老闆

但一加埋組長就大件事, 佢又拎的好高度數嘅白酒, 金門高梁... 嘩, 飲開whisky轉白酒, 好影醉呢!   今天要限量, 只可以飲一瓶呢!

哈哈, 今日呢兩個鍋, 一個係組長, 另一個係副組長夫買嘅.  再問問, 原來林太又買咗一個.   Kakakaka, 咁我就肯定唔使買路啩 (睇吓點....)

今日唔止係海鮮鍋, 魚蝦蟹蜆唔少得啦, 手切肥牛都一樣蒸呀!

丸類就排响煲邊, 海鮮放中間

的粟米就咁蒸, 真係好好味架. 的菜都係咁蒸.   蒸出嚟的菜, 竟然比烚菜更好味.

今日顧著食無咩影相呀!

最正就係食完火鍋次後, 鍋底個鍋粥啦. 

睇嚟, 如果唔係要食麻辣火鍋, 想無咁熱氣, 都係食蒸汽火鍋好的呀!